“Саран дээр усгүй” содон бүтээл байлаа

Нүүр

Геополитик

“Саран дээр усгүй” содон бүтээл байлаа

2018-06-04

Нийтэлсэн: Админ

1 мин

ХУВААЛЦАХ

ЖИРГЭХ

Д.НАДМИД БОАЖЯ, НҮБ-ын Ногоон эдийн засгийн төлөөх түншлэл цахим хуудастай хамтран “Ногоон эдийн засаг бидний амьдралд” гэрэл зургийн уралдаан зарласан. Энэ уралдаанд байгальд ээлтэй ногоон амьдралын хэв маяг, хэрэглээ, байгаль орчин, экосистемийг хамгаалах үйлс болоод ногоон эдийн засгийн мэдлэг ойлголтыг олон нийтэд түгээж буй үйл ажиллагааг харуулсан олон сонирхолтой зургаар хувь хүмүүс оролцсон байна. Тэдний бүтээлээс шалгаруулалтаар Г.Өнөболд, Г.Эрдэнэцолмон, Г.Базаррагчаа, О.Соронзонболд, А.Будалцолмон нар II, III байр эзэлж, өргөмжлөл, 500-800 мянган төгрөгийн шагнал хүртэв. III байрын шагналт “Шинэ эхлэл” олон улсын лаборатори сургуулийн XII ангийн сурагч Ариунболдын Будалцолмон: -Би “Саран дээр усгүй” гэрэл зургийн бүтээлээрээ энэ уралдаанд оролцож, байр эзэлсэндээ баяртай байна. Энэ зурагаа өнгөрсөн жил сургууль дээрээ гэрэл зургийн судалгаа хийж байхдаа авсан юм. Манай сургууль дээр “Тогтвортой хөгжил” сэдэвт сургалт болсон. Түүний дараа экоклубт гишүүнээр элссэнээр ногоон эдийн засаг, тогтвортой хөгжил чухал гэдгийг сайн ойлгосон. Миний хувьд энэ бүтээлээрээ дамжуулж хүн бүрийг байгальч сэтгэлгээтэй байхыг уриалахыг хүссэн юм” гэв. Эх сурвалж: “Зууны мэдээ” сонин