Олон улсын хүүхдийн эрхийг хамгаалах өдөр энэ долоо хоногийн Баасан гаригт  тохионо. Энэ өдөр бүхнийтийн амралтын өдөр.  Нийслэлийн ЗДТГ–аас санаачлан Нийслэлийн соёл, урлагийн газар, НийслэлийнХүүхэд, гэр бүлийн хөгжлийн газар хамтран “Хүүхдийн баяр”-ын нэгдсэн үйл ажиллагааг нийслэлийнхэмжээнд энэ сарын 28-наас зургадугаар сарын 2-ны хооронд тэмдэглэх юм байна.  Ингээд зургаадугаарсарын 1-нд хаана, юу болох талаар дэлгэрэнгүй танилцуулъя.   СҮХБААТАРЫН ТАЛБАЙД: Энэ жилийн хүүхдийн баярын нэгдсэн үйл ажиллагааны хамгийн том арга хэмжээ “Монгол хүүхэд” сэдвийн хүрээндзургадугаар сарын 1-нд 09:00-17:00 цагийн хооронд зохион байгуулагдана. Энэ үеэр багачуудад зориулсан “Оньсоннаадгай”, “Ша­гайн наадгай”, “Хөлөгт наадгай” , “Ээдрээ тайлах наадгай” гэсэн 15 төрлийн 3000 гаруй үндэснийуламжлалт тоглоом наадгайг хүүхдүүдэд танилцуулах юм. Мөн төв талбайд эрүүл мэндийн үзлэг хийгдэж, эмч нарзөвлөгөө өгнө.Үндэсний үйлдвэрлэгчдийн үзэсгэ­лэн худалдаа гарна. Хүүх­дийн байгууллагууд үйл ажиллагаагаа танил­цуулна.   ҮНДЭСНИЙ СОЁЛ АМРАЛТЫН ХҮРЭЭЛЭНД: Энэ  сарын 29-нөөс зургадугаар  сарын 4-ны өдрүүдэд  “Гайхамшигт долоо хоног” арга хэм­жээг  зохион байгуулна. Хөтөлбөрийн хүрээнд хүүхдүүдийн насны ангил­лаар олон төрлийн тэмцээн уралдааныг зо­хионо. Тухайлбал,  хөг­жилтэй цирк, хүүхэлдэйн жүжиг, хүүхдийн урлагийн тоглолт, спортын тэм­цээн, уралдаан  болно. Оройн хөтөлбөрт, хамт­лаг, дуучдын тоглолттой.   ҮНДЭСНИЙ ЦЭЦЭРЛЭГТ ХҮРЭЭЛЭНД: Тавдугаар сарын 31, зургадугаар сарын 1-ний өдрүүдэд “Цэцэрлэгт хүрээлэнгийн хүүхдүүд” арга хэмжээг 12:00-23:00 цагийн хооронд зохион байгуулна.   ХҮҮХЭЛДЭЙН ТЕАТРТ: Тус театрын хамт олон багачуудад зориулсан бэлгийн багцаа эртнээс задлаад байна. Тэд энэ  сарын 25-наас  зургадугаар  сарын 1-ний өдрүүдэд 13:00, 14:00 цагуудад “Гайхамшигт хайрцаг-2” буюу “Алтан залаат азарган тахиа”, “Бүлтэйхэй Дэгдээхэй хоёр”, “Долоон дэлбээт цэцэг”, “Том хамарт одой” жүжгүүдийг өөрийн тайзнаа тоглоно. Эх сурвалж: “Зууны мэдээ” сонин