Х. Оюунболд Италийн домогт  хаалгач Жанлуйджи Буффон  ОХУ-д болох ДАШТ-ий тухай “Спутник” агентлагт ярилцлага өгсөн байна.  Тэрээр ОХУ-д болох ДАШТ нь түүний болон бүх италичуудын хувьд их өөр тэмцээн байх болно гэжээ. Учир нь италичууд зургаан жилд анх удаа Италийн үндэсний шигшээ баг  дэлхийн хамгийн нэр хүндтэй ДАШТ-д оролцох эрхгүй боллоо. Үүнтэй төстэй тохиолдол 1958 онд Шведэд болсон аварга шалгаруулах тэмцээний үеэр Италийн шигшээ багт тохиолдож байсан гэж тэрээр ярьжээ. Үүнээс гадна “Жанлуйджи Буффон Миний хувьд анх удаа ДАШТ-д тоглох биш үзэгчээр оролцох гэж байна”  гэв. Италийн хөлбөмбөгчин тэрээр сарын дараа болох ДАШТ-д дэмжиж байгаа багийг хэлэхгүй байх нь чухал гэж үзэж байгаа юм.  Тэрээр“Би хувьдаа ямар ч багийг дэмжихгүй. Гэхдээ  бүх тоглолтыг  тэднээс ямар нэг зүйл шинээр сурахын тулд үзнэ. Мөн хөлбөмбөгийн шинэ одод төрөн гарахыг алдахгүй хармаар байна” гэв. Түүнээс ДАШТ-д оролцохын тулд  сайн баг бүрдүүлэх зорилгоор хэрхэн тоглогчдоо сонгох  байсан талаар  асуужээ.  Домогт хаалгач энэ нь  хэцүү даалгавар . Учир нь ийм багийг бүрдүүлэхийн тулд олон тооны сайн тоглогчдоос зөвхөн 11 тоглогчийг сонгох шаардлагатай болно гэж онцоллоо. Түүнчлэн довтлогчидтой харьцуулахад хаалгач нарыг хөлбөмбөгийн түүхэнд тэмдэглэгдэж үлдэлгүй орхигддогт харамсч байгаагаа илэрхийлжээ. Гэвч энэ спортод хаалгачаар тоглож байгаадаа аз жаргалтай байна  гэв. Учир нь “Хаалгач бид нүдээ аньж болохгүй. Бөмбөг хаалганд оруулах бол хөлбөмбөгийн гол үйл явдал юм. Бүх шалтгаан нь энэ. Энэ утгаараа  довтлогчидын үүрэг хаалгач нарынхаас илүү чухал байр суурь эзэлдэг.  Гэхдээ би хаалгач болсноороо бахархдаг. Үүнээс өөр байр суурийг  эзлэх надад таалагдахгүй гэж Жанлуйджи Буффон хэлжээ.  Тэрээр Италийн шигшээ багт орсноос хойш нийт  176 тоглолтод оролцож тоглосон. Мөн   дэлхийн хөлбөмбөгийн аварга шалгаруулах тэмцээнд улсаа төлөөлж орсон шигшээ багт багтаж таван удаа оролцож байжээ.   Италийн шигшээ баг дэлхийн хөлбөмбөгийн аваргын титмийг 2006 онд Германд болсон ДАШТ-аас хүртсэн байна. Эх сурвалж:www.polit.mn