УИХ-ын гишүүн асан С.Оюуныг гадаад хэрэг хариуцсан захирлаар томилжээ

Нүүр

Геополитик

УИХ-ын гишүүн асан С.Оюуныг гадаад хэрэг хариуцсан захирлаар томилжээ

2018-05-29

Нийтэлсэн: Админ

1 мин

ХУВААЛЦАХ

ЖИРГЭХ

Т.САЙХАН УИХ-ын гишүүн, Байгаль орчин, ногоон хөгжил, Гадаад харилцааны сайд асан С.Оюуныг Уур амьсгалын ногоон сангийн Гадаад хэрэг хариуцсан захирлаар томилжээ. Тэрээр ирэх долдугаар сарын 9-нөөс шинэ ажилдаа орно. Уур амьсгалын ногоон сан нь уур амьсгалын өөрчлөлттэй тэмцэж буй, хөгжиж буй орнуудыг дэмжих зорилготой. Эдгээр орнууд уур амьсгалын өөрчлөлтөд дасан зохицох, хүлэмжийн хийн ялгарлаа бууруулахад нь дэмжлэг болдог юм. С.Оюун 2014 онд НҮБ-ын Байгаль орчны ассемблэйн анхны Ерөнхийлөгчөөр ажилласан. 2016 оноос хойш Дэлхийн усны түншлэл байгууллагыг удирдаж байна. Энэ байгууллага дэлхийн 180 улсын 3000 орчим байгууллагатай усны менежментийг сайжруулах чиглэлд хамтран ажилладаг. Уур амьсгалын ногоон сангийн цахим хуудсанд С.Оюуны талаар “Тэрээр 2016 оныг хүртэл таван удаа УИХ-ын гишүүнээр сонгогдсон. Геохимич мэргэжилтэй, Кэмбрижийн их сургуулийн Байгалийн ухааны сургуульд докторын зэрэг хамгаалсан. Байгаль хамгааллаас гадна хүний эрхийг хамгаалах үйл ажиллагаанд идэвхтэй оролцдог. “Зориг сан”, Монголын тусгай олимпийн хороог удирддаг” гэжээ. Эх сурвалж:www.polit.mn