-Орос, Италийн соёлын харилцаанд зориулсан тусгай хөтөлбөр хэрэгжүүлэхээр төлөвлөж байна-

Д.ЭНХЭЭ Санкт – Петербургийн олон улсын эдийн засгийн форум (ПМЭФ)-ын хүрээнд “Евроазийг танин мэдье” хэмээх Италийн ассоциаци “Росконгресс” сан болон ОХУ дахь Италийн Элчин сайдын яамны дэмжлэгтэйгээр Италийн бизнес эрхлэгчдийн оролцоотойгоор хоёр чуулга уулзалт зохион байгуулна. Энэ тухай тус ассоциацийн албан ёсны төлөөлөгчид мэдээлжээ. Өнэөөдрийн /тавдугаар сарын 23-ны/ албан ёсны нээлтийн өмнө болох “Амьдралын чанарыг сайжруулах Европын технологиуд” дугуй ширээний уулзалт дээр жижиг, дунд үйлдвэрийн төлөөлөгчид үг хэлнэ. Урьдчилж мэдүүлснээр эм үйлдвэрлэл, аж үйлдвэрийн хог хаягдлын устгал, эрчим хүчний хэмнэлтийн салбарт шинэ технологи хэрэглэж байгаа тухай зэрэг сэдвээр хэлэлцүүлэг өрнөх юм байна. Форумын нээлтийн өдөр “Италийн системүүд” танилцуулга, мөн Snam ("Снам"), Pirelli ("Пирелли"), Banca Intesa Russia ("Банк Интеза")  зэрэг италийн томоохон компани, банкуудын удирлага оролцсон “ОХУ-Итали” дугуй ширээний уулзалт, ярилцлага зохион байгуулах ажээ. Орос, Италийн соёлын харилцаанд тусгай хөтөлбөр зориулна. Тухайлбал, ассоциацийн мэдэгдэлд дурдсанаар эдийн засгийн форумын нэг үдэш Мариины театрын симфони оркестр Турины Хааны театрын найрал дууны хамтлагтай хамтран тоглоно. Intesa Sanpaolo ("Интеза Санпаоло") банк өөрийн цуглуулгаас  XV зууны орос бурхны гурван хөрөг зургийг Оросын музейд бэлэглэнэ. Эцэст нь, алдарт тогооч Маттео Баронетто Санкт-Петербургийн форумын зочдыг Италийн хоол, хүнсний соёлтой танилцуулна. Санкт-Петербургийн олон улсын эдийн засгийн форум (ПМЭФ) 2018 оны тавдугаар сарын 24-26-нд болно. Энэ нь  ОХУ-ын Ерөнхийлөгчийн ивээл дор зохион байгуулдаг дэлхийн хэмжээний эдийн засгийн яриа хэлцэл өрнүүлдэг гол талбарын нэг юм. Уламжлал ёсоор ажил хэргийн арга хэмжээнүүдэд гадаадын улс орны төр засгийн газрын тэргүүнүүд, олон нийтийн зүтгэлтнүүд, олон улсын байгууллагуудын болон томоохон компаниудын удирдагчид, дэлхийн хэмжээний шинжээч, судлаачид, мэдээллийн томоохон байгууллагуудын төлөөлөгчид оролцдог. Эх сурвалж: www.polit.mn