Д.ЭНХЭЭ АНУ, БНХАУ хоорондын худалдааны тэнцлийг тэгшитгэх арга хэмжээний талаар Вашингтон, Бээжин хоёр зөвшилцлийн үр дүнд тохиролцжээ. Хөдөө аж ахуйн бүтээгдэхүүн, эрчим хүчний экспортыг нэмэгдүүлэх, мөн түүнчлэн оюуны өмчийг хамгаалах салбарт хамтран ажиллахаар шийдвэрлэсэн байна. Хэлэлцээр тавдугаар сарын 17, 18-нд Вашингтонд болсон тухай “Известия” сонин мэдээлжээ. Мэдэгдэлд тэмдэглэснээр, БНХАУ өндөр чанар бүхий эдийн засгийн хэрэгцээ шаардлагыг харгалзан, Хятадын ард түмний өсөн нэмэгдэж байгаа эрэлт хэрэгцээг хангах зорилгоор АНУ – аас худалдан авах бараа бүтээгдэхүүн, үйлчилгээг мэдэгдэхүйц нэмэгдүүлэх ажээ. Тохиролцсон асуудлаар нарийн ширийн зүйлийг тодруулах зорилгоор АНУ Хятад руу төлөөлөгчдөө явуулах юм байна. Өмнө нь хятадын төлөөлөгчид Вашингтонд айлчлах үеэр хоёр орны хоорондын худалдааны тэнцлийн алдагдлыг бууруулах багц арга хэмжээний саналыг ерөнхийлөгч Дональд Трампад өргөн барьсан  хэмээн Газета.Ru. сонинд тэмдэглэсэн байна. Эх сурвалж: www.polit.mn