© РИА Новости / Сергей Мальгавко

Д.ЭНХЭЭ “Мөнхийн гал-2018” олон улсын хүүхдийн цэрэг – түүхийн сэдэвт чуулганд оролцогчид гаргасан тунхаг бичигтээ маргаантай асуудлыг шийдвэрлэж, дайн байлдааныг зогсоохын тулд хүүхдүүдээс үлгэр дууриал авч, ил тод, шударга яриа хэлцэл өрнүүлэхийг дэлхийн удирдагч нарт уриалжээ. Чуулганы хуралдаан өнгөрсөн бямба гарагт олон улсын хүүхдийн “Артек” төвд болжээ. Уг арга хэмжээний хүрээнд Артект амарч байгаа Сири, Франц, Нидерланд, ОХУ-ын хүүхдүүд оролцсон “Артек-Дамаск” олон улсын теле уулзалт зохион байгуулжээ. Энэхүү теле уулзалтад Сири улсаас ОХУ – д суугаа элчин сайд Рияд Хаддад оролцжээ. Теле уулзалтын үр дүнгээр “Хүүхдүүд энх тайвны төлөө” тунхаг бичиг гаргасан байна. "Маргаантай асуудлыг шийдвэрлэж, дайн байлдааныг зогсоож, манай улс орнуудад энх амгалан хөгжлийг бий болгохын тулд хүүхдүүд биднээс үлгэр дууриал авч, ил тод, шударга яриа хэлцэл өрнүүлэхийг дэлхийн удирдагч нарт уриалж байна” хэмээн тунхаг бичигт өгүүлснийг РИА Новости уламжилжээ. Үүнээс гадна чуулганд оролцогчид дэлхийн нэр хүндтэй байгууллагуудад хандаж, “Мөнхийн гал” чуулганы туршлагад тулгуурлан хүн төрөлхтний хувь заяаг тодорхойлохуйц амин чухал асуудлыг ил тод нээлттэй хэлэлцэхийг уриалжээ. Чуулганд оролцогчид Европ, Ази, Африк, Австрали, Америкийн улс орнууд дахь бүс нутгийн болон олон улсын хүүхдийн байгууллагуудтай шинээр харилцаа холбоо тогтоохыг хүсч байгаагаа илэрхийлжээ. "Хамтын харилцан үйл ажиллагааг бид энх тайвныг хадгалж үлдэх зорилтын арга хэрэгсэл болгохын төлөө шийдвэр төгс байна”  гэж баримт бичигт мөн дурджээ. Уг баримт бичигт артект амарч байгаа дөрвөн орны хүүхдүүд, мөн Сири улсаас ОХУ-д суугаа Элчин сайд Рияд Хаддад нар гарын үсэг зуржээ. Эх сурвалж: www.polit.mn