Х.ОЮУНБОЛД АНУ-ын ерөнхийлөгч Дональд Трамп болон Хойд Солонгосын  удирдагч Ким Жон Ун нар хоёр улсын түүхэнд анх удаа нүүр тулан уулзахаар болсон билээ. Тэд олон удаа уулзалт хийх газраар дэлхийн таван орныг, түүний дотор Монгол улс багтаж байгаа талаар хэвлэл мэдээллээр мэдээлж байсан.  Хэдийгээр уулзалтыг хоёр Солонгосын хилийн зааг дээр байдаг Панмунжом тосгонд хийнэ гэж байсан ч тэд Сингапурт уулзах болжээ. Тэд ирэх сарын 12-нд уулзах бөгөөд  ерөнхийлөгч Дональд Трамп уулзалт болох газар, өдрийг Хойд Солонгост хоригдож байсан АНУ-ын иргэн суллагдсаны дараа  твиттер хуудастаа жиргэсэн байна.  Ерөнхийлөгч Дональд Трамп “Бидний хүсэн хүсч хүлээсэн хурал ирэх сарын 12-нд Сингапурт болно. Дэлхий дахины энхтайвны төлөө энэ мөчийг их онцгой байлгахыг хичээнэ” гэжээ. Тэд энэ хийх уулзалтын гол зорилго нь  Вашингтон, Пхеньяны хоорондын хямралыг намжаах, Ази тивийн энэ орны цөмийн зэвсгийн хөтөлбөрт цэг тавих боломжийн талаар хэлэлцэх юм.  Пхеньяны зүгээс уулзалтын ажлын хөтөлбөрт ямар асуудлын талаар хэлэлцэхээ онцлоогүй байна. Гэхдээ найдвартай гол хэлэлцэх  сэдэв нь  Өмнөд Солонгост байгаа АНУ-ын 30 мянган цэрэг болон Пхеньянд тавьсан хориг арга хэмжээг устгах талаах байх болно гэжээ.Харин ерөнхийлөгч Дональд Трамп  уулзалтаар Солонгосын хойгийг цөмийн зэвсэггүй болгох арга замыг хайх болно гэсэн байна.  Мөн АНУ-ын Засгийн газар Хойд Солонгосыг саяхан  цөмийн зэвсгийн туршилтаа хойшлуулна гэсний хариуд НҮБ-аас тэдэнд оноосон хоригийг цуцлахад нөлөөлнө гэв. Үүний эсрэгээр, Хойд Солонгос эдийн засгийнхаа хөгжилд анхаарлаа төвлөрүүлэхийг зорьж байгаа нь тэдний баримталдаг байр суурь өөрчлөгдөж байгааг харуулж байгаа юм. Эх сурвалж: ВВС.com сайт