Япон, БНХАУ, Өмнөд Солонгос протекционизмын эсрэг байгаагаа илэрхийлэв

Нүүр

Дэлхийн улс төр

Япон, БНХАУ, Өмнөд Солонгос протекционизмын эсрэг байгаагаа илэрхийлэв

2018-05-11

Нийтэлсэн: Админ

1 мин

ХУВААЛЦАХ

ЖИРГЭХ

© AFP 2018 / YoshikazuTsuno

Д.ЭНХЭЭ Ерөнхий сайд Шинзо Абэ, Төрийн зөвлөлийн дарга Ли Кэцян, Ерөнхийлөгч Мүн Жэ Ин нар лхагва гарагт /2018.05.09/ Токиод болсон гурван талын уулзалтаар Япон, Хятад,Өмнөд Солонгос улс чөлөөт худалдааны төлөө байна гэдгээ мэдэгдлээ хэмээн РИА-Новости мэдээлжээ. "Протекционизмаас татгалзаж, худалдааг чөлөөтэй болгох нь гурван улсад ч, дэлхий ертөнцөд ч, бүгдэд нь ашигтай. Чөлөөт худалдаа дэлхийн эдийн засгийг сайн зүг рүү хөтөлнө гэж бид үзэж байна. Гурван улсын аль алинд хөгжих боломж байна, өнөөдөр гурван улсын харилцааг шинэ түвшинд гаргах хэрэгтэй үе шатанд бид хүрч ирээд байна” гэж Ли Кэцян хэлжээ. Өмнөд Солонгосын Ерөнхийлөгч Мүн Жэ Ин гурван улсын эдийн засгийн харилцан хамтын ажиллагаа чухал болохыг онцолжээ. Тэрээр хэлэхдээ "Хүн амын амьжиргааны чанарыг сайжруулахын тулд гурван орны хүчин чармайлтыг нэгтгэх хэрэгтэй. Байгаль орчныг хамгаалах, газар хөдлөлтөд тэсвэртэй байх, даатгал, эмнэлгийн үйлчилгээ зэрэг ард түмний амьдралтай нягт уялдаа холбоотой салбаруудад явуулах хамтын ажиллагаа өдөр тумын амьдралд мэдрэгдэхүйц бодитой үр дүн авчирна” гэсэн байна. Гурван улсын тэргүүний уулзалт анх 2015 онд Токиод болсон юм. Харин дараа нь 2015 оны арваннэгдүгээр сард Өмнөд Солонгост болсон. Уулзалтын хүрээнд хоёр талын хэлэлцээрүүд явагджээ. Хятадын Төрийн Зөвлөлийн даргын айлчлал 2011 оны тавдугаар сараас хойш долоон жилийн дараахь анхны, Өмнөд Солонгосын Ерөнхийлөгчийн айлчлал мөн 2011 оны арванхоёрдугаар сараас хойшхи анхных юм байна. Талууд Солонгосын хойгийн нөхцөл байдал, тухайлбал, дөрөвдүгээр сарын 27 – нд Өмнөд Солонгос, БНАСАУ – ын хооронд гарын үсэг зурсан “Солонгосын хойгийн энх тайван, хөгжил цэцэглэлт, нэгдэж нийлэх тухай Панмунжомын тунхаг бичиг”-ийн талаар хэлэлцэж, гурван улсын хооронд хийх чөлөөт худалдаа, Бүс нутагт эдийн засгийн бүх талын түншлэлийн (RCEP) асуудлаар хэлэлцээр байгуулах тухай яриа хэлцэл явуулсан байна. Мөн удирдагчдын хоёр талын уулзалтуудыг ч хийхээр төлөвлөжээ. Эх сурвалж: www.polit.mn

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв.

Засгийн газрын БЭТ Ж.Батзандан "Эрдэнэт" ТӨҮГ-ын үүсмэл гурван ордын төрийн эзэмшлийн хувь хэмжээг тогтоох болон стратегийн ордуудын хэлэлцээрийн талаар мэдээлэл хийв. 2025.12.25

2 цаг 8 мин

Ө.Шижир гишүүн төрийн бодлогын уялдаа холбоогүй байдлыг шүүмжлэв

Улсын Их Хурлын 2025 оны намрын ээлжит чуулганы өнөөдрийн (2025.12.25) үдээс өмнөх нэгдсэн хуралдаанаар “Төрийн өмчит хуулийн этгээдийн хувьцааг 2026-2028 онд биржээр олон нийтэд нээлттэй худалдах, төрийн өмчийг хувьчлах, өөрчлөн байгуулах үндсэн чиглэл батлах тухай” Улсын Их Хурлын тогтоолын төслийн хэлэлцэх эсэх хэлэлцүүлэг болсон.

2 цаг 53 мин

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

7 цаг 17 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

10 цаг 41 мин