Х.ОЮУНБОЛД Өнөөдөр Германы фашизмыг ялж дэлхийн II дайн дууссаны 73 жилийн ой тохиож байна.  ОХУ-ын ерөнхийлөгч Владимир Путин түүхэн энэ ялалтыг тохиолдуулан хуучнаар ЗХУ-ын бүрэлдэхүүнд багтаж энэ дайнд оролцсон улс орны тэргүүнүүдэд баярын мэнд хүргэсэн талаар Кремлийн ордны хэвлэлийн алба мэдээллээ. Тэрээр Армен, Азербайжан, Белорусь, Казахстан,Киргызстан, Молдав, Тажикстан, Туркменистан, Узбекистан,Абхаз болон Бүгд найрамдах Өвөр Осет улсын ерөнхийлөгч нарт баярын мэндчилгээ илгээсэн байна. Мөн Украйн болон Гүржийн ард түмэнд баяр хүргэжээ. Ерөнхийлөгч Владимир Путин ялалтын баярын өдрөөр зориулан илгээсэн баярын мэндчилгээндээ ялалтын баярын энэ өдөр нь ариун баатарлаг үйл явдал, эв нэгдлийн билэг тэмдэг болон манай ард түмэн мөр мөрөө түшиж баатарлагаар дайны талбарт тулалдсан. Үүнээс гадна эх орон болон хүн төрөлхтнийг фашизмын аюулаас аврахын тулд зориг шантралгүйгээр ажиллаж хөдөлмөрлөсөн гэж бичиж онцолжээ.Ялангуяа хүүхэд,залуучуудад эх орны II дайнд болсон үйл явдлыг гуйвуулалгүйгээр дамжуулах нь чухал. Түүнчлэн “Шинэ үеийнхний үүрэг бол өнгөрсөн эмгэнэлт явдлыг давтагдахаас сэргийлэх юм” гэж нэмж хэллээ.  Ерөнхийлөгч Владимир Путин дайны хатуу ширүүн жилүүдэд үүссэн харилцан туслалцаа,ахан дүүсийн уламжлалт нөхөрлөл манай орнуудын харилцааны хөгжлийн бат бэх суурь болсоор байх болно гэдэгт  итгэж буйгаа илэрхийлсэн байна.  Тэрээр дайнд оролцсон ахмад дайчид, арын хамгаалалтад ажилласан ажилчдад түүний талархлын үгийг дамжуулж өгөхийг хүсчээ. Мөн тэд нарт эрүүл энх, урт нас, энхтайван болон хөгжил цэцэглэлтийг хүсэн ерөөсөн байна. mundo.sputniknews.com сайт