Т.САЙХАН Ерөнхийлөгч Х.Баттулга АТГ-ын даргад дэвшүүлсэн хүмүүсээс хуулийн шаардлагыг хангаж, хамгийн олон санал авсан Д.Даваа-Очир, дэд даргаар Ж.Батсайханыг тус тус томилуулах саналаа УИХ-д хүргүүлсэн билээ. Энэ талаар Ерөнхийлөгчийн тамгын газрын дарга З.Энхболд мэдээлэл хийлээ.  Түүний  онцлох мэдээллүүдийг хүргэе. - Хамгийн их санал авсан 10 хүний дотор шалгуур хангахгүй хүмүүс байсан. Тухайлбал, би байна. Сүүлийн таван жил улс төрийн алба хашаагүй гэдэг шалгуураар би хасагдаж байгаа юм. - АТГ-ын даргад тохирох хүн бол төрийн албанд 15 жил ажилласан мөн гүйцэтгэх ажлын туршлагатай, удирдах алба хашиж байсан хүнийг нэр дэвшүүлэх шаардлага тавьсан. -Ерөнхийлөгч энэ хоёр эрхмийг сайн танихгүй. Ажил төрлийн шугамаар мэдэх байх. -АТГ-ын даргад нөхөн томилогдсон хүн өмнөх даргынхаа ажилласан хугацааг хасч үлдсэн хугацаанд нь ажиллана. -Энэ асуудалд хуулийн маргаан байхгүй. Ерөнхийлөгч хуулиар хугацаа нь дууссаныг дурьдахын зэрэгцээ ажлаа хийхгүй байна гэж дүгнэж байгаа. Ард түмэн төрийн эрх мэдлийг барина гэдэг заалтыг хэрэгжүүлсэн Ерөнхийлөгч яахаар буруудах ёстой гэж. -УИХ АТГ-ын үйл ажиллагаанд дүгнэлт хийж, удирдлагуудыг томилох ёстой байгууллага. Олон хүн Ерөнхийлөгчийг томилдог гэж бодоод байгаа. Ерөнхийлөгч зөвхөн нэр дэвшүүлдэг. Тэгэхээр УИХ л хариуцлагаа хүлээнэ. - С.Баяр АНУ-д долоон байшин авчихаад зүгээр явж байна. Одоо л нэг сар хоригдож байх шиг байна. Энэ хэрэг 10-аад жилийн өмнө ил болсон. - АТГ-ын дарга нарыг томилохгүй бол УИХ хариуцлагаа хүлээх ёстой. -Үндсэн хуулийн Цэцэд Ерөнхийлөгчийн нэр дэвшүүлдэг гурван хүний хугацаа тавдугаар сарын 9-нд дуусна. Мөн УИХ-аас томилдог нэг хүний бүрэн эрхийн хугацаа дуусна. Тэгэхээр УИХ нэг хүнээ, Ерөнхийлөгч гурван хүнээ нэр дэвшүүлээд хэлэлцүүлнэ. -Цэцийн гишүүний шаардлага хангасан хүнийг олж дэвшүүлнэ. 40 настай, Монгол Улсын иргэн байна. Голдуу эрдэм шинжилгээний ажил хийдэг хүмүүс байдаг. МУИС-ийн Хуулийн сургууль Үндсэн хуулийн Цэцийн гишүүдийг бэлтгэж өгдөг талбар болоод удаж байна. Эх сурвалж:www.polit.mn