Х.ОЮУНБОЛД Фэйсбүүк компани  87 сая хэрэглэгчийн хувийн мэдээллийг зөвшөөрөлгүйгээр улстөрийн ухуулгад  ашигласан хэрэгт орооцолдсон “Кэмбриж Аналитика” компани үйл ажиллагаа зогсоохоор болжээ.АНУ-ын ерөнхийлөгч Дональд Трампын 2016 оны компанит ажилд энэ компани ажиллаж байсан. Тэд  хэрэглэгчдийн мэдээллийг Их Британийг Европын холбоог орхих компанит ажлыг өргөжүүлэхийн тулд ашигласан аж. Мөн “The Wall Street Journal” сонины цахим хэвлэлд компани үйл ажиллагаагаа зогсоосон болон захирал Александр Никсийг өнгөрсөн  гуравдугаар сард албан тушаалаас нь халсан тухай мэдээлжээ. Үүнээс гадна болсон үйл явдлын талаар судалж байгаа гэсэн байна. Мөн тус сонин энэ талаарх мэдээллийг “Кэмбриж Аналитика”  компани болон “SCL” группыг үндэслэгчийн хэлсэн үгнээс эш татжээ. Түүний хэлснээр SCL” групп үйл ажиллагаагаа зогсоож байгаа  аж. Энэ талаар мэддэг  эх сурвалжийн мэдээлснээр “Кэмбриж Аналитик” компани үйлчлүүлэгчгүй болсон.  Мөн фэйсбүүк  хэрэглэгчдийн  хувийн хэрэгт зөвшөөрөлгүй нэвтэрсний улмаас шүүхээс өндөр торгууль оноосон нь үйл ажиллагаагаа зогсооход нөлөөлсөн гэж ярьжээ. “Кэмбриж Аналитик” компани үйл ажиллагаагаа өчигдрөөс зогсоож, ажилчиддаа комьпьютерээ унтраах үүргийг өгсөн байна. Эх сурвалж: www.polit.mn