Д.НАДМИД Монголын Үндэсний Бөхийн холбоо тойрсон хэрүүл маргааныг эцэслэж “Их Эе”- хурлаа даруйхан хийж  Улсын их баяр наадам дөхсөн энэ үед хоорондынхоо үл ойлголцолд цэг тавихыг Монгол Улсын Ерөнхийлөгч Х.Баттулга бөхчүүдэд хатуухан сануулсан билээ. Үүний дараа маргаж байгаа хоёр тал их хуралдаа бэлтгэх хамтарсан комисс байгуулж цэцдийн зөвлөлийн хуралдаанаа энэ сарын гурванд хийхээр боллоо гэсэн эерэг мэдээ тарсан байлаа. Гэтэл дархан аварга Х.Баянмөнх тэргүүтэй бөхчүүд, бөхийн зүтгэлтэн хэсэг хүмүүс дахин хэвлэлийн хурал зарлаж цэцийн зөвлөлийн хурал тодорхойгүй шалтгаанаар хойшиллоо гэж мэдэгдэв. Учрыг тэднээс лавлабал хууль бус гэгдээд байгаа хуучин холбооны зүгээс буюу дархан аварга Б.Бат-Эрдэнэ нар нийслэлийн захиргааны хэргийн шүүхэд нэхэмжлэл бичснээр маргаан дахин “сэрсэн” гэж тайлбарлаад үүнээс болоод хамтарсан комиссын төлөвлөсөн ажил зогслоо гэлээ. Ингэснээр бүтэн 15-16 жил үргэлжилсэн хэрүүл маргаан улам сунжрахаар нөхцөл үүсч байна. Тийм бол Бөхийн холбоо тойрсон асуудлыг аль боломжтой арга замаар шийдэхийг сэдэж ирлээ. Гэтэл хууль биелүүлдэггүй нөхдүүд саад хийгээд байгаа гэсэн юм. Бидний зүгээс байдал  ийм байна гэдгийг учирлаж Еранхийлөгчид захидал хүргүүлжээ. Цааш нь бөхчүүд маргаад, шүүхдэлцээд цаг хугацаа алдах нь. Үүнээс үүсэх сөрөг үр дагавар нь Монгол Улсын Еранхийлөгчийн сануулснаар хэрүүлийн бай болоод байдаг “ Бөхийн өргөө” –г төрийн мэдэлд авах байх. Бас хэдэн бөх цолоо хураалгах ийм юм л болохнээ дээ гэж хариулт нэхэх агшинд дархан аварга Х.Баянмөнх:  –Би ч яг тэгж бодож байна шүү гэсэн юм. Эх сурвалж: Polit.mn