Д.ЦЭРЭННАДМИД Монголын Үйлдвэрчний Эвлэлүүдийн холбооноос өнөөдөр төрийн албан хаагчдын цалин хөлсийг нэмэх, хөдөлмөрийн хөлсний доод хэмжээг шинэчлэн тогтоохыг шаардаж орон даяар цуглаан зохион байгуулав. Олон улсын эв нэгдлийн өдөр тохиолдуулан хийсэн энэ жагсаал цуглаанд соёл, боловсрол, эрүүлийг хамгаалахын болон уул уурхай, хүнд үйлдвэрийн салбарын төлөөллүүд оролцож төр, засагт хүргэх үгээ хэлж, шаардлаа. Уг цуглаан, жагсаалд оролцогчид хөдөлмөр нийгмийн зөвшлийн гурван талт хэлэлцээрийг үргэлжлүүлэх, шийдвэрийг хэрэгжүүлэх цалин хөдөлмөрийн хөлсний доод хэмжээг нэмэгдүүлэх зэрэг тодорхой шаардлагыг Засгийн газарт тавьж байгаа бөгөөд тодорхой хугацаанд хариу өгөхгүй бол ажил хаях хүртэл арга хэмжээ төлөвлөж байгаагаа хэлж байлаа. Эх сурвалж: www.polit.mn