Х.ОЮУНБОЛД АНУ-ын ерөнхийлөгч Дональд Трамп, Израйлийн ерөнхий сайд Бенжамин Нетаньяху нар Ойрхи Дорнодод тулгараад байгаа заналхийллийн талаар утсаар ярилцсан байна. Цагаан ордноос гаргасан мэдэгдэлд “Тэд тус нутагт үргэлжилж байгаа заналхийлэл, учирч байгаа бэрхшээл ялангуяа, Ираны зүгээс учруулж байгаа асуудлын талаар хэлэлцсэн” гэжээ. Харин  ерөнхийлөгч Дональд Трамп,  ерөнхий сайд Бенжамин Нетаньяху нарын энэ яриа нь  АНУ-ын Төрийн нарийн бичгийн дарга Майк Помпео Израйлийн Тель Авив хотод айлчлал хийсний  үр дүнд болж байгаа юм.  АНУ-ын төрийн бичгийн дарга Ираныг Израйльд ноёрхлоо тогтоохыг хүсч байгаад  санаа зовж буйгаа илэрхийлсэн. Түүнчлэн тэрээр  хэвлэлийн хурлын үеэр Ираны зүгээс Израйль болон тус  бүс нутагт учруулах заналхийлэл нэмэгдсээр байна гэв. Эх сурвалж: “Зууны мэдээ” сонин