Х.Оюунболд Өмнөд Солонгосын ерөнхийлөгчийн ордноос мэдээлснээр “Хойд Солонгос ирэх сард цөмийн зэвсгийн гол туршилтын талбай Пүнге-риг хаана гэж амласан байна. Мөн Хөх ордны хэвлэлийн төлөөлөгч Юн Янг Чан Хойд Солонгосын удирдагч Ким Жон Ун болон Өмнөд Солонгосын ерөнхийлөгч Мүн Жэ Ин нар “Энэ туршилтын талбайг хаах  шийдвэр хэрэгжих үеэр олон нийтэд хамтарсан мэдэгдэл хийнэ” гэв. Үүнээс гадна тэрээр өнгөрсөн баасан гаригт болсон түүхэн уулзалтын үеэр удирдагч Ким Жон Ун түүний цэргийн байгууламжийн чанар болон Хойд Солонгосын зорилгын эргэлзээг арилгах зорилгоор хэвлэл мэдээллийнхнийг гэрч болгохын тулд  Пхеньянд урихыг хүсч байгааг илэрхийлсэн гэв. Мөн удирдагч Ким Жон Ун “Би  хэдийгээр АНУ-ыг эсэргүүцдэг ч, хүмүүс намайг Өмнөд Солонгос, Номхон далай эсвэл АНУ руу цөмийн зэвсэг харвах хүн биш болохыг харах болно” гэснийг Хөх ордны хэвлэлийн төлөөлөгч Юн Янг Чаны уламжилсныг “Ёнхап” агентлаг мэдээлсэн байна.  Түүнчлэн тэрээр “ Бид АНУ-д итгэл төрүүлэх,бидэнд дайныг дуусгах амлалт авах болон бид нар руу  дайруулахгүй байхын тулд тэдэнтэй олон жил уулзаж байсан.Бидэнд яагаад цөмийн зэвсэг байна вэ. Яагаад бид ийм хүнд нөхцөл байдалд амьдарсаар байх ёстой юм бэ” гэжээ. Удирдагч Ким Жон Ун  Солонгосын дайны гунигт түүх дахин давтагдахгүй хэмээсэн бөгөөд зэвсэгт мөргөлдөөнөөс зайлсхийхэд шаардлагатай бүх арга хэмжээг авна гэв. Үүнээс гадна  нэг нь түрүүлж, нөгөө нь хоцорч явдаг хоёр Солонгосыг нэг цагтай болгоно. Учир нь “Найрамдлын гэрийн хананд Сөүл болон Пхеньяны цагаар явдаг цагнууд өлгөөтэй байхыг хараад надад их гунигтай санагдсан” гэжээ. Бид цагийн хуваарийг өөрчлөх учиртай хүмүүс. Хуучин өмнө нь байсан байдалдаа буцаж очицгооё. Үүнийг та олон нийтэд мэдэгдэж болно гэсэн байна. Эх сурвалж: www.polit.mn