Х.ОЮУНБОЛД                                                                                                       Өмнөд Солонгосын ерөнхийлөгч Мүн Жэ Ин болон Хойд Солонгосын удирдагч Ким Жон Ун нар  өнөөдөр хоёр Солонгосын хилийг заагладаг Панмунжом тосгонд болж байна. Харин энэ түүхэн уулзалтын үеэр өнөөдөр   удирдагч Ким Жон Ун, ерөнхийлөгч Мүн Жэ Ин нар оройн зоог барина. “ВВС” сайтад бичсэнээс үзвэл энэ үеэр удирдагч Ким Жон Уныг  рости хэмээх  швейцарь хоолоор дайлах бөгөөд энэ  нь хэдийгээр үнэн эсэх нь батлагдаж байгаагүй ч түүнийг Швейцарьт өнгөрүүлсэн оюутны жилүүдийг сануулах зорилготой гэжээ. Харин  ерөнхийлөгч Мүн Жэ Инд барих оройн зоог нь түүнд төрсөн нутаг Бусаны боомт хотоос гаралтайг нь сануулахын тулд бэлдсэн загастай хоол байх аж. Мөн энэ оройн зоогийн үеэр хоёр орны тэргүүний зооглох оройн хоолны материалыг хоёр Солонгосоос нийлүүлж байна гэж  Өмнөд Солонгосын талаас мэдээлжээ. Түүнчлэн  оройн зоогонд зориулж ерөнхийлөгч Мүн Жэ Иний хүсэлтээр Хойд Солонгосын өдөр тутмын  хоол хүйтэн гоймонг Пхеньяны рестораны шилдэг тогооч Окриу Гван бэлдэх аж. Мөн тэд нарыг  “Минбаэжу” хэмээх саяхнаас Өмнөд Солонгост үйлдвэрлэж эхэлсэн Хойд Солонгосоос гаралтай  ликёр дарсаар дайлна гэж Өмнөд Солонгосын Засгийн газар фэйсбүүк  цахим хуудастаа бичжээ.  Тэдэнд барих оройн зоогноос үзвэл Өмнөд Солонгос Сөүлд зочилж байгаа орны удирдагч,тэргүүн нарт  барьж байгаа зоогоороо улс төрийн утга агуулгатай сануулга,зөвлөгөгөө өгч сурсан нь мэдэгдэж байгаа юм. Үүний нэг нотолгоо гэвэл өнгөрсөн жил АНУ-ын ерөнхийлөгч Дональд Трамп айлчилсан. Энэ үеэр түүнийг Өмнөд Солонгос болон Японы хооронд маргаан авчирсан арлын далайгаас барьсан хавчтай хоолоор дайлж байжээ. Харин  энэ уулзалт нь хоёр Солонгосын төрийн тэргүүнүүд 2007 оноос  хойш уулзаж байгаа анхны уулзалт юм. [caption id="attachment_37302" align="aligncenter" width="624"] Хойд Солонгосын удирдагч Ким Жон Унд барих швейцарь хоол Рости[/caption] [caption id="attachment_37303" align="aligncenter" width="624"] Өмнөд Солонгосын ерөнхийлагч Мүн Жэ Иний зооглох түүний төрөлх хот Пусанаас гаралтай загастай хоол[/caption] Эх сурвалж: www.polit.mn