Ч.ГАНТУЛГА Өнөөдөр “Бөхийн өргөө”-нд болох ёстой байсан дуучин О.Гансувдын “Миний ээж хөөрхөн” анхны бие даасан тоглолт Бөхийн холбооны маргааны улсаас ирэх сарын 2-нд “UB Palace”-ийн концертын их танхимд болохоор өөрчлөгдлөө. Мөн тоглолт хийх хуваарьтай байсан ЦДБЭЧ-ын гоцлол дуучин Г.Тэгчинжавын тоглолт ч ирэх сарын 7-нд “UB Palace”-д болохоор хойшлогджээ. Энэ тухай уран бүтээлчид нь хэвлийн хурал зарласан юм. Одоогоор Бөхийн холбоо хөл толгойгоо олохгүй хоёр даргатай болчихоод байгаа. Энэ асуудлын улсаас Бөхийн өргөөг түр хаасан бөгөөд төлөвлөсөн тоглолтууд цуцлагдахад хүрсэн. Маргааны улмаас дуучин П.Идэржавхлан тоглолтоо  МҮЭСТО-д хийсэн. Гэвч үзэгчдийн зүгээс тав тухгүй байсан тухай нэлээд гомдол ирсэн аж. Энэ мэт олон уран бүтээлчид болон үзэгчид хохирч байгаа тухай хэвлэлийн хурлын үеэр ярьж байв. -Дуучин Э.Төрмөндөх: Бидэнд 30 минутын өмнө л хэлсэн -Бөхийн өргөөний удирдлагууд бидэнд тоглолт товлосон өдрөө болно. Ямар ч асуудал гарахгүй гэж мэдэгдэж байсан ч тоглолтын өдөр буюу өнөөдөр 30 минутын өмнө тоглолт хийх боломжгүй боллоо гэж хэлсэн. Хэрэв бид өмнө нь мэдсэн бол өөр арга хэмжээ авах байсан. Бид тоглолт хийхийн тулд ямар их хүч хөдөлмөр, хөрөнгө гаргадаг билээ. Цаг заваа зохицуулаад манай тоглолтыг үзэхээр хөдөө орон нутгаас  ирсэн хүмүү яах вэ. Өнөөдөр миний утас тасралтгүй дуугарч байна. Бид 2400 тасалбар хэвлүүлснээр 2200 нь зарагдчихсан. Энэ хүмүүс өнөөдөр тоглолтоо үзэхээр төлөвлөчихсөн байдаг. Энэ хариуцлагыг хэн хүлээх вэ. Бөхийн холбооны маргаанаас болж үзэгчид хохирч байна. Дуучин О.Гансувд: Өмнөх тасалбараараа тоглолтоо үзээрэй -Миний хувьд анхны бие даасан тоглолт минь байсан. Өнөөдөр гээд бүх зүйлээ төлөвлөөд бэлтгэл хангагдчихсан байхад ийм зүйл тохиолдсонд харамсалтай байна. Ямар ч байсан үзэгчиддээ амласан ёсоороо ирэх сарын 2-нд тоглолтоо толилуулна. Өнөөдрийн тасалбар авсан бүх үзэгч тэр тасалбараараа тоглолтоо үзээрэй. Эх сурвалж: www.polit.mn