Д.НАДМИД Гэрэл зургийн “Гамма” агентлаг, Баримтат гэрэл зургийн Ц.Батзориг сангаас уламжлал болгон зохион байгуулдаг “Шинэ бүтээл-хүмүүс 7” гэрэл зургийн долоо дахь үзэсгэлэнгийн нээлт өчигдөр боллоо. Ийм үзэсгэлэн гаргадаг нь нэрт гэрэл зурагчин Ц.Батзориг агсны үйл хэргийг үргэлжлүүлэх, баримтат гэрэл зургийг хөгжүүлэх, гэрэл зургийн үнэлгээ, үнэлэмжийг дээшлүүлэн залуу зурагчдыг дэмжих зорилготой юм. Уг үзэсгэлэнг зохион байгуулсан нь Ц.Батзориг агсны 1998 онд “Хүмүүс” нэртэй үзэсгэлэнгийн үргэлжлэл гэж болно. Энэ удаагийн үзэсгэлэнд 82 гэрэл зурагчин 800 гаруй бүтээл ирүүлснээс 58 зурагчны 81 гэрэл зургийг шалгаруулж олон түмэнд толилуулж байна. Тэдгээр зургийг жинхэнэ мэргэжлийн комисс байгуулан шалгаруулсан бөгөөд “Айсуй бороо”, “Адууны бэлчээрт”, “Бөх бүхний нүдийг татдаг”, “Шаралхсан нам” зэрэг бүтээлүүд үзэгчдээс өндөр үнэлгээ авч байлаа. “Шинэ бүтээл-хүмүүс 7” үзэсгэлэн нээсэн өдөр нь Ц.Батзориг агсны төрсөн өдөр нь байсан юм. [caption id="attachment_37200" align="alignleft" width="645"] Б.Жамъяндорж “Шаралхсан нам”[/caption] [caption id="attachment_37201" align="alignleft" width="645"] “Бөх бүхний нүдийг татдаг”. Ш.Хаш-Эрдэнэ[/caption] [caption id="attachment_37202" align="alignleft" width="645"] “Адууны бэлчээрт”. Б.Ганхүү[/caption] Эх сурвалж: “Зууны мэдээ” сонин