Д.ЭНХЭЭ Ойрын хэдэн долоо хоногт багтаж нэг удаагийн хэрэглээний хуванцар ашиглахыг багасгах хуулийн төслийг Еврокомисс санал болгоно гэж Европын комиссын дэд ерөнхийлөгч Юрки Катайнен мэдэгдэв. "Тавдугаар сард багтааж нэг удаагийн хэрэглээний хуванцар ашиглахыг багасгах хуулийн төсөл Европын комисст өргөн мэдүүлнэ” –хэмээн тэрээр Twitter - тээ бичсэн талаар РИА-Новости мэдээлжээ. Европын холбоо хуванцар хог хаягдалтай хийх тэмцлийг эхлүүлж, 2030 он гэхэд Европ даяар баглаа боодлын бүх материалыг дахин боловсруулах, эсвэл олон удаагийн хэрэглээний материалаар солихоор төлөвлөж байна хэмээн  Европын комиссын тэргүүн дэд дарга Франс Тиммерсансын хэлснийг эш татан Guardian сонин нэгдүгээр сард мэдээлж байсан. “Үйлдвэрлэхэд тавхан секунд, хэрэглэхэд минут зарцуулдаг, харин задралд 500 жил шаардлагатай” нэг удаагийн хэрэглээний хуванцрыг Брюселль хориглохыг зорьж байна хэмээн Тиммерманс мэдэгдсэн байна.  Бүрэн задардаггүй хуванцар гуурс, эсвэл усны сав зэрэг өдөр тутмын хэрэглээний эд зүйлийг онцолж байгаа гэсэн байна. Эх сурвалж: www.polit.mn