Ихэнх нутгаар шуурахыг анхааруулж байна

Нүүр

Геополитик

Ихэнх нутгаар шуурахыг анхааруулж байна

2018-04-26

Нийтэлсэн: Админ

1 мин

ХУВААЛЦАХ

ЖИРГЭХ

Дөрөвдүгээр сарын 27-нд нутгийн хойд хэсгээр, 28-нд ихэнх нутгаар салхи шуургатай байхыг Цаг уур, орчны шинжилгээний газраас анхааруулж байна. Энэ сарын 28-нд төвийн аймгуудын ихэнх, баруун болон зүүн аймгуудын нутгийн зарим газраар, 29-нд баруун болон төвийн аймгуудын ихэнх нутаг, говийн аймгуудын нутгийн зарим газраар, 30-нд говийн аймгуудын ихэнх, төв болон зүүн аймгуудын нутгийн өмнөд хэсгээр, ирэх сарын 1-нд нутгийн зүүн өмнөд хэсгээр бороо, хур тунадас орох төлөвтэй байгаа аж. Салхи энэ сарын 28-нд ихэнх нутгаар, 29, 30-нд нутгийн өмнөд хэсгээр секундэд түр зуур 18-20 метр хүрч шороон шуурга шуурах юм байна. Дөрөвдүгээр сарын 28-нд нутгийн хойд хэсгээр, цаашдаа ихэнх нутгаар сэрүүсч, Дархадын хотгор, Завхан голын эх, Хүрэн бэлчир, Идэр, Тэс голын хөндий, Алтай, Хангай, Хөвсгөл, Хэнтийн уулархаг нутгаар шөнөдөө 4-9 градус хүйтэн, өдөртөө 5-10 градус дулаан байх аж. Их нууруудын хотгор болон говийн бүс нутгийн өмнөд хэсгээр шөнөдөө 3-8 градус, өдөртөө 15-20 градус дулаан, бусад нутгаар шөнөдөө 4 градус хүйтнээс 1 градус дулаан, өдөртөө 8-13 градус дулаан, тавдугаар сарын 1-нд нутгийн баруун хагаст дулаарах төлөвтэй буй юм байна.