Оюутолгойн гэрээ монголчуудад ашиггүй байна гэв

Нүүр

Геополитик

Оюутолгойн гэрээ монголчуудад ашиггүй байна гэв

2018-04-26

Нийтэлсэн: Админ

1 мин

ХУВААЛЦАХ

ЖИРГЭХ

Г.УНДРАМ “Улсаа аварья ард түмний хөдөлгөөн”, Иргэний нийгмийн байгууллагууд хамтран мэдээлэл хийлээ. Уг хурлаар Оюутолгойн гэрээ анхнаасаа хууль зөрчиж хийгдсэн, хэсэг бүлэг хүмний эрх ашгийн төлөө хийсэн гэдгийг тэд онцлов. Энэ гэрээг зөв гольдролд нь оруулах, шинэчлэх, өөрчлөх шаардлагатай гэлээ. Газрын доорх баялгаа үнэлдэггүй зөвхөн нөөцийг нь үнэлж лиценз ашиглах хэлбэрээр гадны компаниудад эзэмшүүлдэг нь буруу. Үндсэн хуулийн зарчмыг зөрчин цөөн хүн их хэмжээний ашигтай байхаар луйвар хийдгийг ТББ-ууд эсэргүүцэж байгаа аж. Мөн “Улсаа аварья ард түмний хөдөлгөөн”-өөс АТГ-ийн дарга Х.Энхжаргалд Оюутолгойн гэрээг шалган, гэм буруутай этгээдэд хариуцлага тооцохыг шаардан шаардлага хүргүүлж байгаа тухай ярьсан юм. Оюутолгойн ордыг ашиглах хөрөнгө оруулалтын гэрээний хэрэгжилтийг шалгах үүрэг бүхий ажлын хэсэг өнгөрсөн гуравдугаар сарын 23-нд байгуулагдсан. Гэвч ямар ч ажил хийгээгүй бөгөөд ажлын хэсгийн гишүүд огт уулзаагүй хэмээн тэд мэдэгдэв. Тиймээс ажлийн хэсгийн дарга, УИХ-ын гишүүн Б.Дамба-Очирт шаардлага хүргүүлж буй аж. Эх сурвалж: www.polit.mn