Т.САЙХАН “Стандарт” банк болон “Жаст” компанийн хооронд үүссэн зээлийн маргааны хүрээнд АТГ-аас хавтаст хэрэг үүсгэн шалгаж байгаа билээ. “Жаст” компанийн зүгээс гарын үсгийг нь хуурамчаар үйлдэж зээл авсан гэж мэдүүлж байгаа "Эрдэнэт" үйлдвэрийн Хуулийн хэлтсийн даргаар ажиллаж байсан Ч.Мөнхжаргалын энэ асуудалтай холбоотойгоор саатуулагдсан юм.  Харин өмгөөлөгч Б.Мэргэн мэдээлэл хийлээ. Тэрээр  “Өмгөөлөгчдийн зүгээс энэ хэргийн үнэн мөнийг нь олохын төлөө хууль хяналтын байгууллагатай бүхий байдлаар хамтран ажиллаж байгаа. Тухайлбал, энэ хэргийг тал бүрээс нь бүрэн бодитоор тогтооход ач холбогдолтой эдгээр гадны шүүхийн шийдвэр, нотлох баримтуудыг хавтаст хэрэгт нотлох баримтаар оруулахаар АТГ-т өнгөрсөн долоо хоногт өгсөн байдаг. “Эрдэнэт” үйлдвэрийн хуулийн хэлтсийн даргаар ажиллаж байсан Б.Мөнхжаргалыг цаашид тусгаарлан саатуулах шаардлагагүй гэж үзэж байна. Харин энэ хэрэгтэй холбогдуулан зарим зүйлийг хууль хяналтын байгууллагаас нягтлан үзэх шаардлагатай байна гэж үзсэн байна. Тухайлбал, Английн Хатан хааны Дээд шүүхийн 2017 оны арваннэгдүгээр сарын 17-ны өдөр хуралдаан болж Эрдэнэтийн асуудлыг авч хэлэлцсэн байна. Энэ шүүх хуралдааны шийдвэр олон нийтэд цахим байдлаар ил тод байдаг бөгөөд шийдвэрт бичсэнээр "өөрийн эрх ашгаа хамгаалан оролцох ёстой “Эрдэнэт” үйлдвэрийн зүгээс шүүх хуралд огт оролцоогүй, төлөөллөө ч явуулж байр сууриа илэрхийлээгүй" гэжээ. Мөн “Эрдэнэт” үйлдвэр нотлох баримтуудаа яагаад гаргаж ирүүлэхгүй, хуралд оролцохгүй шүүхийг үл хүндэтгэсэн үйлдэлдээ уучлал гуйх ёстой” гэсэн юм. Өмгөөлөгчдийн зүгээс эдгээр байр суурийг илэрхийлээд энэ хэргийн үнэн мөн нь удахгүй тогтоогдоно гэдэгт эргэлзэхгүй байгаагаа илэрхийллээ.  Эх сурвалж:www.polit.mn