ТББ-ынхан УИХ-ын гишүүдэд шаардлага хүргүүллээ

Нүүр

Геополитик

ТББ-ынхан УИХ-ын гишүүдэд шаардлага хүргүүллээ

2018-04-20

Нийтэлсэн: Админ

1 мин

ХУВААЛЦАХ

ЖИРГЭХ

Ц.БАЯР “Төлсөн Авснаа Нийтэл Эвсэл”-ийн 34 гишүүн байгууллагаас ус бохирдуулсны төлбөрийг 60 хувь хүртэл бууруулах тухай хуулийн төсөл УИХ-д өргөн барихыг эсэргүүцэж, шаардлага хүргүүлж буйгаа өнөөдөр /04.20/мэдэгдлээ.УИХ “Ус бохирдуулсны төлбөрийн тухай хууль”-ийг 2012 онд баталсан ч Засгийн газар дагалдан гарах журмыг батлаагүйгээс зургаан жил уг хуулийг хэрэгжүүлээгүй байна. Өнгөрсөн хугацаанд ус бохирдуулагчид нэг ч төгрөгийн төлбөр төлөлгүй, ямар ч хариуцлага хүлээгээгүй гэлээ. Тэдний шаардлагад “УИХ-ын гишүүн та бүхэн чуулганаар хэлэлцэж буй “Ус бохирдуулсны төлбөрийн тухай хууль”-ийн төслийн эцсийн хэлэлцүүлэгт дэмжсэн санал өгөхгүй байх. Мөн Ерөнхий сайд У.Хүрэлсүх танд 2012 онд батлагдсан буй “Ус бохирдуулсны төлбөрийн тухай хууль”-ийг эргэж буцалтгүй хэрэгжүүлж, ус бохирдуулсны төлбөрийг 50-60 хувь бууруулах хуулийн төслөө УИХ-аас татаж авах. Түүнчлэн ҮАБЗ-ийн тэргүүн Х.Баттулга та “Нийслэлийн агаар, орчны бохирдлыг бууруулах хууль тогтоомжийг хэрэгжүүлэх тухай зөвлөмж”-ийг хэрэгжүүлэхийг ЗГ-т шаардах, УИХ-аар ус бохирдуулсны төлбөрийн хэмжээг бууруулсан хууль батлагдсан тохиолдолд өөрийн бүрэн эрхийн хүрээнд хэсэгчлэн хориг тавихыг шаардаж байна гэжээ. Эх сурвалж: www.polit.mn