Шүүх Л.Пүрэвбаатарын 1.5 тэрбумын хаусыг УБТЗ-д өгөхөөр шийдвэрлэв

Нүүр

Геополитик

Шүүх Л.Пүрэвбаатарын 1.5 тэрбумын хаусыг УБТЗ-д өгөхөөр шийдвэрлэв

2018-04-11

Нийтэлсэн: Админ

1 мин

ХУВААЛЦАХ

ЖИРГЭХ

С.САРУУЛ Улаанбаатар төмөр зам нийгэмлэгийн даргаар хоёр жил ажилласан Л.Пүрэвбаатарт холбогдох шүү хурал өнөөдөр /2018.04.11/ Нийслэлийн давж заалдах шатны шүүхэд болж түүний эзэмшиж байсан байшинг УБТЗ-д буцаах шийдвэр гаргажээ. Л.Пүрэвбаатар үүрэгт ажлаа гүйцэтгэж байхдаа УБТЗ ХНН-ын хөрөнгөөр хувьдаа Зайсанд 1.5 тэрбум төгрөгийн үнэтэй хаус захиалан бариулж эзэмшиж байсан аж. Тус нийгэмлэг нь Л.Пүрэвбаатарыг Иргэний хууль, Компанийн тухай хууль, Авлигын эсрэг хууль Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн холбогдох зүйл заалтыг ноцтой зөрчсөн гэх үндэслэлээр хууль хяналтын байгууллагад хандсан байна. Шүүхээс УБТЗ нь хуульд заасны дагуу бусдын хууль бус эзэмшлээс өөрийн хөрөнгөө шаардах эрхтэй бөгөөд Л.Пүрэвбаатар нь уг хаусыг эзэмших, ашиглах эрхгүй тул нэн даруй суллаж Улаанбаатар төмөр замд буцааж өгүүлэхээр шийдвэрлэжээ. “УБТЗ” ХНН нь энэхүү өндөр үнэтэй хаусыг дуудлага худалдаагаар зарж олсон орлогыг төмөр замчдыг орон сууцжуулах хөнгөлөлтэй зээлд зарцуулна гэлээ. Эх сурвалж: www.polit.mn