Т.САЙХАН МҮОХ-ноос тухайн сард болж өнгөрсөн уралдаан тэмцээнд өндөр амжилт үзүүлж, эх орныхоо нэрийг дэлхийн тавцанд өргөсөн тамирчид, багийг алдаршуулах, сар бүр Монголын спортын ертөнцөд болсон үйл явдлыг дүгнэх зорилгоор сарын шилдэг тамирчинг тодруулдаг. Тэгвэл өнгөрсөн гуравдугаар сарын шилдэг тамирчинд Кыргызстан нийслэл Бишкект болсон Азийн АШТ-д түрүүлсэн, гавьяат тамирчин П.Орхон, Буриадын Ерөнхийлөгчийн нэрэмжит ОУТ-д аваргалсан гавьяат тамирчин Э.Бэхбаяр, Японы Такасаки хотод болсон Дэлхийн цомын тэмцээнд хүрэл медаль хүртсэн чөлөөт бөхийн эмэгтэйчүүдийн шигшээ баг нэр дэвшжээ. МҮОХ-ны анхны сарын шилдэг тамирчин П.Орхон дөрөв дэх удаагаа нэр дэвшээд байна. Тэдэнтэй жүдогийн Екатеринбургийн “Их дуулга”-д алтан медаль хүртсэн ОУХМ Ц.Цогтбаатар, мэргэжлийн сүмогийн Харү башёд түрүүлсэн их аварга Какүрюү М.Ананд нар нэр дэвшжээ. Сарын шилдэг тамирчинг спортын сэтгүүлчид болон олон нийтийн нээлттэй санал асуулгын үр дүнд тодруулдаг бөгөөд санал хураалт дөрөвдүгээр сарын 16-ныг хүртэл үргэлжлэх бөгөөд хоёр өдрийн дараа ялагчийг албан ёсоор зарлана. Санал өгөх  - https://mnoc5.typeform.com/to/giA6PA Эх сурвалж:www.polit.mn