М.БААСАНДЭЛГЭР Монголын үндэсний бөхийн холбооноос цаг үеийн асуудлаар тус холбооны гүйцэтгэх захирал Ц.Төмөрсүх, “Цэцдийн зөвлөл”-ийн дарга Ү.Хүрэлбаатар, Монгол Улсын начин Б.Ганхуяг нар мэдэээлэл хийлээ. Хууль хяналтын байгууллагаас албан ёсоор МҮБХ-ний тэргүүнээр Л.Чинбатыг баталж гарчилгээ, тамга тэмдгийг хүлээлгэж өгсөн. Харин амна нь үүрэг хүлээж байсан Р.Нямдорж нарын хүмүүс хүчингүй болсон өмнөх тамга тэмдгийг ашиглаж, хуулийн шийдвэрийг дагахгзй байгаа гэв. Энэ талаар Өмгөөлөгч Ө.Эрдэнэ-Очир “Улсын дээд шүүхийн 2003 оны тогтоолоор энэ асуудал бүрэн шийдэгдсэн байсан. Гэтэл хэсэг бүлэг нэр дурдсан хүмүүс шүүхийн шийдвэрийг санаатайгаар биелүүлэхгүй явсаар өнөөдрийг хүрлээ. Үүний улмаас нийгэмд МҮБХ-нд маргаантай асуудал гараад хоёр талдаа яваад байна гэсэн ойлголт төрөөд байна” гэсэн юм. Тэд удаа дараа хууль бусаар үйл ажиллагаа явуулж бөхчүүд болон олон нийтийг төөрөгдүүлж, нийгмийн сэтгэл зүйг будилаантуулж байна гэлээ. Тиймээс Р.Нямдорж, Б.Бат-Эрдэнэ нарын дараах үйлдлийг эсэргүүцэж байгаагаа илэрхийлж мэдэгдэл, уриалга гаргажээ. Эх сурвалж: Www.polit.mn