Доктор, профессор Б.Цацралт-Одын онцлох 8 ишлэл

Нүүр

Геополитик

Доктор, профессор Б.Цацралт-Одын онцлох 8 ишлэл

2018-04-05

Нийтэлсэн: Админ

1 мин

ХУВААЛЦАХ

ЖИРГЭХ

Б.Солонго Дэлхийн эмч нарын баярын өдрийг тохиолдуулан Халдварт өвчин судлалын үндэсний төвийн дэд захирал, доктор, профессор Б.Цацралт-Одыг “Зууны мэдээ” сонин “Leaderships forum” буландаа ирсэн. Түүний ярилцлагаас онцлох 8 ишлэлийг хүргэж байна.

“Миний эрүүл мэндийг төр хамгаалах ёстой” гэсэн хандлага бидэнд байна. Мэдээж төр хамгаалах ёстой. Гэхдээ хувь хүн өөрийгөө хамгаалдаг, өөртөө мөнгө зарцуулдаг болмоор байна.
Бид машинаа жил бүр оношлогоонд оруулдаг биз дээ. Торгууль төлөхгүйн тулд үүнийг хийлгээд хэвшчихсэн байна. Тэгвэл өвчин тусахгүйн тулд яагаад өөртөө мөнгө зарцуулдаггүй юм бэ.
Засгийн газраас баталсан үндэсний хөтөлбөр, олон улсын эрүүл мэндийн байгууллагуудын тусламж, дэмжлэгээр үе шаттай арга хэмжээ аваад байгаа хэрнээ сүрьеэгийн халдвар, тархалт буурахгүй байгаагийн бас нэг том шалтгаан нь хувь хүний хариуцлага шүү дээ.
Бид өөрийгөө хамгаалахын тулд амьдралын хэвшлээ өөрчлөх хэрэгтэй. Спортоор хичээллэж, стресссээ тайлж сурах хэрэгтэй байна. Хамгийн түрүүнд элгэнд нөлөөлдөг, гэмтээдэг хүчин зүйл бол стресс байдаг. Вирусгүй хэрнээ элэг өвчлөөд байгаагийн шалтгаан нь ердөө стресс.
Ажил бол хэзээ ч дуусахгүй. Хүн ажлыг дуусгаж сурах хэрэгтэй. Ажлыг цагт нь өндөр бүтээмжтэйгээр дуусгачихаад бусад цагийг зөвхөн гэр бүлдээ зориулах ёстой.
Манай эмч, эрдэмтэн, судлаачид дэлхийн төвшинд үнэлэгдэхээр гайхалтай сайн чадвартай болсон. Ганц дутагдаж байгаа зүйл нь тоног төхөөрөмж.
“Миний хүү өдөрт гурван удаа шүдээ, гараа бас байнга угааж байгаарай. Шүд нь эрүүл бол бие нь өвддөггүй юм. Өглөө босоод сүү ууж байгаарай. Өглөө юм идэж байвал дархлаа сайтай байдаг юм” гээд өдөр бүр хүүхдүүддээ цаг гаргаад яриад байвал таны хүүхдийн ирээдүйд, эрүүл мэндэд маш том хөрөнгө оруулалт болно.
Таны эрүүл мэндийг төр биш, аав ээж чинь биш, өөрөө хамгаалах юм байна шүү, би эрүүл байж хайртай хүмүүс минь эрүүл байна гэдэг ухамсрыг багаас нь суулгаж өгөх нь хамгийн зөв шийдэл.

Эх сурвалж: www.polit.mn