Д.АРИУН Олон улсын олимпийн хороо 2026 оны Өвлийн олимпийн наадмыг зохион байгуулах албан ёсны  долоон хүсэлтийг Үндэсний олимпийн хороодоос нь хүлээж авчээ. Үүнд: Австри - Грац Канад - Калгари Итали - Кортина д'Ампеццо, Милан, Турин хотууд Япон - Саппоро Швед - Стокхольм Швейцар - Сион Турк – Эрзурум хот тус тус багтаж байна. "Олон үндэсний олимпийн хороодоос өвлийн олимпийн наадмыг зохион байгуулах албан хүсэлтээ ирүүлсэнд бид баяртай байна. Бидний зорилго бол дэлхийн хамгийн шилдэг тамирчдад зориулж хамгийн сайн зохион байгуулалттай өвлийн Олимпийн наадмыг зохион байгуулах хотыг сонгох явдал юм. Бид нягт хамтран ажиллаж, техникийн зөвлөмж, заавруудыг хүргэн харилцаа холбооны нээлттэй байдлыг эрхэмлэн ажиллана " хэмээн ОУОХ-ны Ерөнхийлөгч Томас Бах мэдэгдсэн байна. ОУОХ-ноос өвлийн олимпийн наадам зохион байгуулах улсыг дэмжиж, долоон жилийн бэлтгэл ажлыг хөнгөвчлөх, Олимпийн хөдөлгөөнийг эрчимтэй өрнүүлэх, улс орон, бүс нутаг, хотын хөгжлийн урт хугацааны зорилгод нийцсэн уян хатан байдлыг нэмэгдүүлэхээр хамтран ажиллахаар төлөвлөжээ. 2019 оны есдүгээр сард  болох Олон улсын олимпийн хорооны их хурлаар 2026 оны Өвлийн олимпийн наадам зохион байгуулах хотыг шалгаруулах юм. Эх сурвалж: www.polit.mn