Х.ОЮУНБОЛД Хойд Солонгосын Гадаад  хэргийн сайд Ри  Ён Хо Бээжинд айлчлахаар мордсон байна. Тэрээр энэ айлч­лалынхаа дараа Азер­байжан, ОХУ-д айлчилна гэж Япон болон Өмнөд Солонгосын хэвлэл мэдээллийн хэрэгслүүд гадаад албаны эх сурвалжаас эш татан мэдээллээ. Тэрээр эхлээд энэ сарын 5,6-ны өдөр Бакуд болох холбоотон биш орнуудын  хөдөлгөөний хуралд оролцоно. Дараа нь ОХУ-д айлчилна гэж “NHK” телевиз болон “Ёнхап” агентлаг мэдээлсэн байна.  Гэвч одоогоор Хойд Солонгосын Гадаад хэргийн яам энэ төлөвлөгөөг баталсан мэдэгдэл хийгээгүй байгаа юм. Харин ОХУ-ын Гадаад хэргийн яамны хэвлэлийн төлөөлөгч  Мария Захарова өнгөр­сөн сарын сүүлээр Ри Ён Хоныг ойрын хугацаанд айлч­лах болно гэж байжээ.  Мөн үүнээс өмнө  Гадаад хэргийн яамны эх сурвалжаас Хойд Солонгосын гадаад хэргийн сайдын айлчлал энэ сарын дундуур болно гэж мэдээлж байсан  юм.   Гадаад хэргийн сайд Ри Ён Хо  энэ удаагийн айлчлалаа хоёр Солонгосын төрийн тэргүүн нар энэ сарын 27-нд хийх өндөр төвшний уулзалт болон  Хойд Солонгосын удирдагч Ким Чен Ун, АНУ-ын ерөнхийлөгч Дональд Трамптай тавдугаар сард хийхээр төлөвлөсөн уулзалтаас өмнө дипломат хүчин чармайлт гарган хийж байгаа юм. Эх сурвалж: “Зууны мэдээ” сонин