Х.ОЮУНБОЛД Москвад ОХУ-ын тэрбумтан Зиявудин Магомедовыг өнгөрсөн долоо хоногт Калининград хотын хөлбөмбөгийн  цэнгэлдэх хүрээлэнг засварлахад зориулсан төрийн хөрөнгийг зүй бусаар ашигласан гэж сэжиглэн баривчилжээ. Өнгөрсөн бямба гаригт Зиявудин Магомедовт тулгасан бүх хэргийг түүний өмгөөлөгч үгүйсгэхийг оролдсон байна.Тухайлбал,төрийн сангийн хөрөнгө болох хоёр тэрбум рублийг  зүй бусаар ашигласан гэж сэжиглэгдэж байгаа хэргийг үгүйсгэсэн тухай Германы “DPA” агентлаг мэдээлэв. Харин прокурорууд  Магомедовийн эзэнт гүрэнд багтдаг “Summa” компанийг энэ хэрэгт холбоотой гэж үзжээ. Үүний улмаас тус компанийг удирддаг ах Магомедийг нь энэ хэрэгт холбогдуулан баривчилсан байна.  Тэрбумтан Зиявудин Магомедов түүнд тулгасан  хэргийг үгүйсгэсэн бөгөөд “Надад танилцуулсан энэ хэрэгтэй санал нийлэхгүй байна” гэжээ.  Мөн прокурор энэ хэргийг шийдвэрлэж чадахгүй байна гэж тэрээр “Ройтерс” агентлагт ярьсан байна. Түүнийг өнгөрсөн нэгдүгээр сард  АНУ-ын төрийн сангаас гаргасан ерөнхийлөгч Владимир Путинтай дотно холбоотой 96 тэрбумтаны жагсаалтад багтаасан байсан юм. Эх сурвалж: “Зууны мэдээ” сонин