Х. Оюунболд Далай лам  төвдүүдийг БНХАУ-ын Засгийн газартай хийх удаан үргэлжлэх дайнд бэлдэхийг уриалсан уриалга гаргажээ. Төвдийг хятадууд эзэлсний дараа Энэтхэгийн хойд нутагт цөлөгдсөн Төвдийн оюун санааны удирдагч тэрээр  өчигдөр цөлөгдөөд 60 жил болсныхоо ойг тэмдэглэх үеэр ийнхүү уриалжээ.   Драмсала хотод болсон арга хэмжээнд  цөлөгдсөн төвдүүдийг хамарсан 4000 гаруй хүн оролцсон байна. Далай лам энэ үеэр төвдийн үндэсний уламжлал, урлаг соёлыг  үргэлжлүүлэн хадгалах хэрэгтэй болохыг “NHK” телевизэд ярилцлага өгөхдөө онцолжээ. Мөн цөллөгөнд байгаа Төвдийн Засгийн газрын тэргүүн Сангай Лувсан БНХАУ-ын Төвдөд явуулж байгаа бодлогыг шүүмжлэв.  Түүнчлэн Төвдийн хувьд сүүлийн 60 жил гашуун өвчин зовлон, эмгэнэлээр дүүрэн жилүүд байлаа гэж дурджээ. Далай лам арга хэмжээ дууссаны дараа  төвдүүд эрх чөлөө хайгаагүй. Зөвхөн бие даасан байдал, эдлэх эрхээ хайж байна гэж давтан хэлсэн байна.  Харин БНХАУ-ын Засгийн газар цөллөгөнд байгаа Төвдийн Засгийн газраас бие даасан орон болох талаар өндөр төвшний уулзалт хийж  дахин хэлэлцэх санал тавьсныг татгалзжээ.  Харин Бээжин Далай лам тусгаар тогтнолын төлөө кампанит ажлыг удирдаж байгаа гэж үзэж байгаа юм. Эх сурвалж: polit.mn