Л.Лхагвагарам: “Дүнжингарав-2018”-ын үеэр хүүхэд гэмтсэн асуудлыг цагдаагийн байгууллага шалгаж байна

Нүүр

Геополитик

Л.Лхагвагарам: “Дүнжингарав-2018”-ын үеэр хүүхэд гэмтсэн асуудлыг цагдаагийн байгууллага шалгаж байна

2018-03-30

Нийтэлсэн: Админ

1 мин

ХУВААЛЦАХ

ЖИРГЭХ

С.САРУУЛ Энэ сарын 18-нд Говьсүмбэр аймагт болсон “Дүнжингарав-2018” хурдан морины уралдааны үеэр цөөнгүй хүүхэд бэртсэн. Энэ талаар тус аймаг дахь цагдаагийн хэлтсийн Хэрэг бүртгэх тасгийн дарга, цагдаагийн хошууч Л.Лхагвагарамаас тодруулахад “Манай аймгийн Баянтал суманд Монголын морин спорт уяачдын холбооноос 2018 оны гуравдугаар сарын 18-ны өдөр “Дүнжингарав-2018” бүсийн уралдааныг зохион байгуулсан. Тухайн уралдааны үеэр “Говьсүмбэр аймгийн нэгдсэн эмнэлэгт таван хүүхэд мориноос унасан байдалтай ирлээ” гэсэн мэдээллийг авч, цагдаагийн хэлтсийн Хэрэг бүртгэх тасагт Монгол Улсын Эрүүгийн хуулийн 11 дүгээр бүлгийн 11.5.1 дэх хэсэгт зааснаар хэрэг бүртгэлтийн хэрэг нээн шалгаж байна. Тэдгээр хүүхдийн гэмтлийн зэргийг тодорхойлох зорилгоор ШШҮХ, Дундговь аймгийн Шүүхийн шинжилгээний албанд хандсан, дүгнэлт хараахан гараагүй байгаа. Хурдан морины уралдааны үеэр цагдаагийн алба хаагчид хуулийн дагуу үүргээ гүйцэтгэж ажилласан” гэлээ. Эх сурвалж: www.polit.mn