С.САРУУЛ Баянзүрх дүүрэгт энэ сарын 25-нд болсон АН-ын ротацийн сонгуулийг зохион байгуулалттайгаар будилуулсан талаар намын гишүүд дэмжигчид мэдээлэл хийлээ. Б.Гантулга: АН-ын сонгуулийг будилаантуулсан цаад эзэн нь Ц.Элбэгдорж АН-ын гишүүн Б.Гантулга “Сонгуулийг будилаантуулсан цаад эзэн нь Ц.Элбэгдорж. Одоогийн Ерөнхийлөгчийн зөвлөх Д.Пүрэвдаваа, түүний туслах Т.Батцогт, БЗД-ийн ИТХ-ын дарга Ш.Ганчимэг нар экс Ерөнхийлөгчийн хууль бус үйлдлийг гүйцэлдүүлэхээр намыг хагалан бутаргаж байна. Энэ бол авлига, хээл хахуулийн хэргүүд, төрийн мөнгийг завшсан, олон иргэдийн бие сэтгэлийг хохироосон хууль бус үйлдлүүдээ илрэхээс айж, нуун далдлах гэсэн явуургүй үйлдэл” гэв. Б.Мөнх-Эрдэнэ: Саналаа өгч чадаагүй намын гишүүдээс 500 гаруй өргөдөл гомдол ирсэн Харин АН-ын гишүүн Б.Мөнх-Эрдэнэ “Ерөнхийлөгчийн зөвлөх Д.Пүрэвдаваа АН-ын гишүүдийн татварын 178.5 сая төгрөгийг Хаанбанкны хувийн дансандаа байршуулсан. Үүнээс нь болоод зарим гишүүд сонгуульдаа оролцож чадаагүй. Саналаа өгч чадаагүй намын гишүүдээс 500 гаруй өргөдөл гомдол ирсэн.  Энэ хэрэг цагдаагийн байгууллагад шалгагдаж байгаа. АН-ыг хагалан бутаргаж, нийгэмд буруу зөрүү ойлголт төрүүлэх гээд байгаагийн цаад учир нь оффшорчин С.Баярцогтыг намаас хөөсөн С.Эрдэнэд уурласан. Мөн АН-аас зохион байгуулсан жагсаалд хэсгийн ахлагч, төлөөлөгчдийг хүчээр дарамталж аваачиж жагсаасан. Эх сурвалж: www.polit.mn