Т.САЙХАН УИХ-ын дарга М.Энхболд Соёлын гавьяат зүтгэлтэн, зохиолч сэтгүүлч Т.Баасансүрэнг нэр төрд халдсан хэмээн шүүхэд гомдол гаргасан билээ.  Сэтгүүлчийг бичсэн зүйлийнх төлөө  хариуцлага хүлээлгэхээр хуулийн байгууллагад хандаж, шүүх хурлыг хаалттай явуулахаар товлосон юм.  Шүүх хурал өнөөдөр /03.28/ өглөөний 09.00 цагт Сүхбаатар дүүргийн Иргэний хэргийн шүүхэд эхэлж, М.Энхболдын нэхэмжлэхтэй нэр төрд халдсан гэх хэргийг шүүхээс буцаалаа.  Хариуцлагч тал болох Т.Баасансүрэнгийн өмгөөлөгч, доктор Л.Мөнхсайхан , итгэмжлэгдсэн төлөөлөгч гавьяат хуульч Ц.Шаравдорж нар шүүх хуралд оролцсон. Харин  нэхэмжлэх талаас  УИХ-ын дарга М.Энхболдын туслах Р.Болд тайлбар хийсэн ч шүүх нэхэмжлэх талыг хуулийн байгууллагад хүндэтгэлгүй хандсан хэмээн хэргийг буцаасан юм. Сэтгүүлзүйн судлаач, доктор Т.Баасансүрэнгийн хувьд  өнгөрсөн Ерөнхийлөгчийн сонгууль болон улс төрийн үйл ажиллагаанд ажиглалт хийж, түүнийхээ хураангуй болох 14 хуудсыг өдөр тутмын сонингуудад нийтлүүлсэн байдаг. Угтаа бол М.Энхболдтой холбоотой өмнө нь хэвлэл мэдээллийн хэрэгслээр гарч байсан  мэдээллүүдийг нэгтгэн аналаз бэлтгэсэн. Харин сэтгүүлчийн энэхүү нийтлэлийг УИХ-ын дарга М.Энхболд өөрийн нэр төрд халдсан хэмээн үзэж хуулийн байгууллагад хандаад байгаа юм.  Мөн  энэ шүүх хурлыг  хаалттай явуулах захирамжилсан нь хэвлэлийн эрх чөлөөнд халдсан хэрэг гэдгийг хуралд оролцогчид онцолж байв. Эх сурвалж:www.polit.mn