Д.ЭНХЭЭ Тусгай прокурор Роберт Мюллер хууль тогтоомж зөрчсөн талаар нотлох баримт олсон тохиолдолд ч өнөөгийн төрийн тэргүүн Дональд Трампад итгэл үзүүлэх эсэхийг АНУ-ын экс ерөнхийлөгч Жимми Картер дэмжихгүй гэдгээ CBS телевизэд ярилцлага өгөхдөө мэдэгдсэнийг ТАСС уламжлав. “Миний бодлоор тэр үүрэгт ажлаа сайн хийж гүйцэтгэхийг хүсч байгаа болохоор түүнийг албан тушаалаас нь өөрчлөх оролдлогыг эхлүүлэхийн оронд ногдсон бүрэн эрхийнх нь хугацаанд үүрэгт ажлаа хийж гүйцэтгэх боломжийг олгох нь зохистой. Миний чадал хүрвэл би түүнд туслахад бэлэн” хэмээн АНУ-ын 39 дэх ерөнхийлөгч Картер хэлжээ. “Оросын оролцоо­тойгоор” 2016 оны сон­гуульд ялалт байгуулсан гэж үзсээр байгаа ардчилсан намынхан буюу Трампын улс төрийн шүүмжлэгчид итгэл үзүүлэхийг байнга шаардсаар байгаа билээ. Мюллер энэ цаг мөчид таван америк, 13 орос, нэг голланд нийт 19 иргэнд хүнд ял тулгаж байгаа юм. Эх сурвалж: “Зууны мэдээ” сонин