А.ЦЭРЭНДОРЖ “Багш нарын цалин нэмэгдүүлэх түр хороо”-ний гишүүд “Эв санааны нэгдэл”  үйлдвэрчний эвлэлтэй хамтран ажиллах тухай хүсэлт гаргаж, хуулиар олгогдож, хамгаалагдсан эрх зүйн боломжийн хүрээнд Монголын Багш нарын үйлдвэрчний эвлэлийг гуравдугаар сарын 1-д байгуулсан байна.  “Эв санааны нэгдэл” ҮЭ-ийн тэргүүн С.Эрдэнэ “ Найман сарын турш багш нарын цалинг нэмэгдүүлэхийн төлөө тэмцэж төр засагт хандаж байгаа түр хороотой хамтарч ажиллаж байна. Шат дараалсан арга хэмжээ авч багш нарын үндсэн цалинг доод тал нь нэг сая болгох боломжийг хайж байна. Үүний төлөө зорьж хамтарч ажиллах болно. Боломжтой гэдгийг итгэлтэйгээр олон нийтэд хэлж байна” гэв. Мөн энэ үеэр Монголын багш нарын  ҮЭ-ийн гишүүн  доктор, профессор Ц.Лувсандорж “Тус эвлэл байгуулагдсанаар тэмцлийн бүх хэлбэрээр тэмцэх бололцоо бүрдэж байгаа юм. Өнгөрсөн найман сарын хугацаанд тэмцэл хийж чадахгүй байсан.Одоо “Эв санааны нэгдэл” ҮЭ-тэй хамтарсанаар тэмцэл хийх боломжтой болсон. Гэхдээ тэмцэл хийхдээ гол нь биш ҮЭ бол шаардлагуудаа тавиад үе шаттай ажиллана. Олон нийт “Боловсролын чанар муу байхад яаж цалин нэмэх талаар ярьж чадаж байна” гэж хэлдэг. Бага цалинтай хүн ямар ажлын бүтээмжтэй байх вэ. Цалингын хэмжээгээр урам авч халагдахгүйн төлөө хариуцлагатай ажиллана. Одоо бид багш нартаа шаардалага тавьж чаддаггүй. Тэд өөр цалинтай ажил хийх гээд л яваад өгнө. Цалин нэмэгдчихвэл боловсролын чанар өөр болно мөн багш нар гадаадын оронруу явж хар ажил хийхгүй болно” гэв. Эх сурвалж:www.polit.mn