М.Оюундэлгэр:Прокурорын ёс зүйн зөрчлийг 18001919 утсанд мэдээлэх боломжтой

Нүүр

Геополитик

М.Оюундэлгэр:Прокурорын ёс зүйн зөрчлийг 18001919 утсанд мэдээлэх боломжтой

2018-03-22

Нийтэлсэн: Админ

1 мин

ХУВААЛЦАХ

ЖИРГЭХ

Г.НАСАНБААТАР Монгол Улсын ерөнхий прокурорын газар 1800-1919 тусгай дугаарын утсаар иргэдээс санал гомдол хүлээн авахаар болсон талаар ерөнхий прокурорын газрын хяналт шалгалт дотоод аюулгүй байдлын хэлтсийн дарга М.Оюундэлгэрээс тодрууллаа. -Иргэдээс прокурортой холбоотой санал хүсэлт хүлээн авснаар ямар ач холбогдолтой вэ? -Иргэдийн гомдол мэдээллийг Улсын ерөнхий прокурорын хяналт шалгалт, аюулгүй байдлын хэлтэс хариуцан ажиллахаар болсон. Прокурорын ашиг сонирхлын зөрчил, сахилга хариуцлага, ёс зүйтэй холбоотой асуудлаар иргэд зөрчлийн болон эрүүгийн хэргийн хянан шийдвэрлэх ажиллагаанд оролцогчдоос гаргаж буй гомдол, мэдээллийг 1800-1919 тусгай дугаарын утсаар авна. Гомдол мэдээллийг ажлын цаг буюу 08:30-17:40 минутын хооронд хүртэл хүлээн авна. Харин амралтын өдрөөр автомат тохируулгад мэдээлэл өгөх боломжтой. -Тусгай дугаараар ирсэн гомдол мэдээллийг хэрхэн бүртгэх вэ. Хэдий хугацаанд хариу өгөх боломжтой юм? -Тусгай дугаараар ирсэн гомдол мэдээллийн бүртгэл хөтөлж байгаа. Хэзээ, хэрхэн, яаж хүлээж авсан ямар байдлаар шийдвэрлэсэн тухайгаа гомдол гаргагч нартаа буцаан мэдээлнэ. 1800-1919 утсанд гомдол гаргагч иргэн өөрийн овог нэр,гэрийн болон цахим хаяг, утасны дугаарыг үлдээх ёстой. Ингэснээр тухайн гомдлын талаар тодруулга авах эргэж холбогдох шаардлагатай тохиолдол, биечлэн уулзах нөхцөл гардаг. Түүнчлэн тусгай дугаарт ирсэн гомдол мэдээлэл, түүнийг гаргасан иргэний нууцыг чандлан хадгална. Эх сурвалж: www.polit.mn