ОХУ-ын Ерөнхийлөгчийн сонгуульд В.Путин ялалт байгууллаа

Нүүр

Дэлхийн улс төр

ОХУ-ын Ерөнхийлөгчийн сонгуульд В.Путин ялалт байгууллаа

2018-03-19

Нийтэлсэн: Админ

1 мин

ХУВААЛЦАХ

ЖИРГЭХ

Д.АРИУН ОХУ-ын Ерөнхийлөгчийн сонгуулийн санал хураалт өчигдөр /2018.03.18/-д болж, санал хураалтын урьдчилсан дүн гарлаа. Тус улсын Сонгуулийн ерөнхий хороо мэдээлэхдээ, Ерөнхийлөгчийн сонгуульд нэр дэвшигчдээс хамгийн олон саналыг одоогийн Ерөнхийлөгч Владимир Путин авсан болохыг зарлалаа. Түүний араас 11,9 хувийн санал авсан Павел Грудинин /Коммунист намаас нэр дэвшигч/ бичигджээ. Либерал ардчилсан намын В.Жириновский 5.73 хувийн санал авсан нь гуравт бичигдэх үзүүлэлт аж. Сонгуульд өрсөлдсөн цорын ганц эмэгтэй нэр дэвшигч, телевизийн хөтлөгч Ксения Собчак 1,64 хувийн санал авсан байна. Энэ удаагийн сонгуульд саналаа өгөхөөр 109 сая сонгогч бүртгүүлсэн бөгөөд сонгуулийн ирц 59,93 хувьтай байсан тухай Сонгуулийн ерөнхий хорооны мэдээлэлд дурджээ. Владимир Путины хувьд энэ удаагийн сонгуулиар 52 сая сонгогч энэ удаад түүний төлөө саналаа өгсөн нь 2004 оныхоос 2 сая гаруйгаар илүү байгаа аж. Тодруулбал, 2004 онд 49 сая 563 мянга /71,31%/, 2012 онд 45 сая 602 мянга (63,60%) саналыг тус тус авч байжээ.