Г.НАСАНБААТАР Орон нутгийн өмчийн газрын мэргэжилтнүүдэд зориулсан сургалтыг энэ сарын 12-ноос эхлэн зохион байгуулсан бөгөөд тав хоног үргэлжлэх юм байна. Сургалтад Орон нутгийн өмчийн газрын албан хаагчид санхүүгийн тайлангийн тулгалт хийхээс гадна Төрийн өмчийн бодлого, зохицуулалтын газраас зохион байгуулж байгаа сургалт, хөтөлбөрүүдэд хамрагдав. Тухайлбал, “Хөрөнгийн дахин үнэлгээ” сэдвээр Төрийн өмчийн бодлого, зохицуулалтын газрын төрийн өмчийн бүртгэл, хяналтын хэлтсийн ахлах мэргэжилтнүүд сургалт явуулав. Мөн орон нутгийн өмчийн газрын дарга нарт “Авлигын эсрэг хууль, нийтийн албан тушаалтныг авлигын эсрэг соён гэгээрүүлэх, чадавхжуулах замаар авлигаас урьдчилан сэргийлэх” сэдэвт сургалтыг зохион байгууллаа. Түүнчлэн “Түрээсийн эрх зүйн орчин, тулгамдаж буй асуудал, өнөөгийн байдал” сэдвээр орон нутгийн албан хаагч болон удирдлагуудад сургал явуулсан юм. Энэ үеэр Нийслэлийн өмчийн харилцааны газрын үйл ажиллагаатай танилцаж, туршлага судлах уулзалт зохион байгууллаа. “Худалдан авах ажиллагааны өнөөгийн байдал”, “Цахим худалдан авах ажиллагааны нэгдсэн системийн ашиглалтын тухай”, “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааг төлөвлөх, тайлагнах журмын анхаарах асуудал” зэрэг сургалтуудыг Сангийн яам болон Төрийн өмчийн бодлого, зохицуулалтын газрын мэргэжилтнүүд хийв. Харин маргааш Нийслэлийн өмчийн харилцааны газрын мэргэжилтэн “Төрийн болон орон нутгийн өмчийн удирдлагыг мэдээлэлжүүлэх системийн бүртгэл ашиглалтын талаар”, “Харилцаа, хандлага-зөв амьдрал” сэдвээр судлаач Б.Товуусүрэн нар сургалт хийнэ. Ийнхүү орон нутгийн өмчийн газрын албан хаагчдад зориулсан сургалт болох ажээ. Эх сурвалж: www.polit.mn