Х.ОЮУНБОЛД АНУ-ын ерөнхийлөгч  Дональд Трамп Пентагоны агаарын, тэнгисийн болон  явган цэргийн  ангийг нэгтгэсэн “Сансрын хүчин” байгуулахыг хүсч байгаагаа илэрхийлжээ. Тэрээр Сан Диего хотын Мирамар дүүрэгт байрладаг тэнгисийн явган цэргүүдтэй уулзах үеэр  шинэ цэргийн анги байгуулагдсанаар зэвсэгт хүчин болон Засгийн газрыг  агаарын орон зайг хамгаалахын тулд хийж байгаа ажлын  ачааллыг хөнгөвчлөх боломжтой гэв.  Миний энэ шинэ стратеги нь газар, тэнгэр, тэнгисийг эзэгнэх зорилготой  дайн  гэдгийг зөвшөөрч байна. Бид сансрын хүчинтэй болох боломжтой. Бидэнд агаарын нисэх хүчин байна. Иймээс бид сансрын хүчний зэвсэгт хүчинтэй болж болно. Үүнийг  бид хийх хэрэгтэй гэж хэлсэн байна. Тэрээр ерөнхийлөгч болсноос хойш зэвсэгт хүчнийхнийг олон удаа магтаж сайшааж байсан юм.  Тиймээс Цагаан ордны өндөр албан тушаалд зэвсэгт хүчний генералуудыг томилж байсан юм.   Зарим конгрессийн гишүүд өнгөрсөн жил конгресст сансрын зэвсэгт хүчнийг байгуулах төслийн хуулийг танилцуулж байсан. Гэвч зэвсэгт хүчнийхэн өөр шинэ анги байгуулах шаардлагагүй хэмээн  эсэргүүцсэн юм.  Бид анги салбаруудын хамтарсан байлдааны ажиллагааг хөгжүүлэхийг зорьж байна. Иймээс “Би  нарийн төвөгтэй, ажиллагаа ихтэй шинэ анги нэгтгэл  байгуулахыг хүсэхгүй байна” гэж Батлан хамгаалахын нарийн бичгийн дарга Жеймс Маттис конгрессийн гишүүн Мичель Турнерт өнгөрсөн долдугаар сард бичсэн захидалдаа дурджээ. Мөн энэ нь зэвсэгт хүчний зардлыг хасахыг зорьж байгаа энэ үед өөр шинэ анги байгуулах нь яарсан хэрэг болох байх гэжээ. Харин энэ санаа нь өнгөрсөн оны сүүлчээр Пентагоны төсвийн хуулийн төлөвлөгөөнөөс хасагдсан. Гэвч конгресст сансрын дайнд АНУ-ын  стратеги сул учраас ОХУ, БНХАУ-ыг татан оруулах нь зөв  гэсэн санааг дэмжигчид нь сайшааж байгаа юм. Эх сурвалж: “Зууны мэдээ” сонин