Т.САЙХАН “Эрдэнэт” үйлдвэрийг барьцаалан “Стандарт” банкнаас  их хэмжээний зээл авсан гэх асуудал олон нийтийн анхаарлын төвд байна.  Энэ асуудлын хүрээнд  зээл авсан гэх “Жаст”-ийн Ш.Батхүү, тухайн үеийн удирдлага болох Ч.Ганзориг тэргүүтэй эрхмүүдэд хэрэг үүсгэн шалгаж буй билээ.  Мөн УИХ-ын зарим гишүүд ч үүнд байр сууриа илэрхийлэн дуугарч эхлээд байна.  Өчигдөр /02.27/гэхэд Х.Нямбаатар, Т.Аюурсайхан, Л.Энхболд,  Л.Оюун-Эрдэнэ нар мэдээлэл хийж , Эрдэнэттэй холбоотой асуудлаар нээлттэй  сонсгол зохион байгуулах санал гаргасан.  Харин  энэ асуудлаар дуугарах ёстой нэг эрхэм  чимээгүй байгаад байгаа нь анхаарал татаж байна.  Энэ нь УИХ-ын гишүүн Ц.Нямдорж.  Тэрээр  хэрэг явдал эхлэх үед “Эрдэнэт үйлдвэр хэвийн  ажиллаж байна.  Монголын Засгийн газар,  Эрдэнэт үйлдвэр хэний ч өмнөөс хариуцлага хүлээхгүй” гэж хэлснээр хойш  бүлх  залгисан мэт  дуугүй байх боллоо.  Түүнийг ингэж хэлснээс хойш  хэргийг гогцоо олон  тийшээ эргэж, хоёр үзүүртэй зүү мэт байдалтай байна. Уг  нь Хууль зүй, дотоод хэргийн сайд энэ асуудыг хамгийн их мэдэж байх учиртай, хамгийн түрүүнд дуугарч байх ёстой хүн сэн. Эх сурвалж: www.polit.mn