Х.ОЮУНБОЛД ОХУ-ын Ерөнхий сайдын орлогч Дмитрий Рогозин барууны орнуудын манай оронд тавьсан хориг үүрдийн хориг байх болно гэж мэдэгдсэн байна. Тэрээр хоригийг манай орныг зөвхөн суларч доройтсон нөхцөлд цуцлах байх гэжээ. Мөн түүний хэлснээр хориг нь ОХУ үндэстний  өвөрмөц байдлыг харуулах боломж ажээ. Харин энэ асуудлаар АНУ-ын Төрийн сангийн нарийн бичгийн дарга Стивен Мнучин “Манай Засгийн газар Москвагийн эсрэг чиглэсэн шинэ хориг тавихаар ажиллаж байна. Энэ тухай мэдэгдлийг ирэх долоо хоногт хийнэ гэжээ.  АНУ, Европын холбоо, холбоотон зарим орнууд ОХУ-ын эсрэг чиглэсэн хориг хэмжээг бие даасан болон хамтарсан Украйны хямралд гүйцэтгэж байгаа үүүрэг,  Крымийг өөртөө хууль бусаар нэгтгэсэн гэж үзэж тавихаар болсон.  Крым нь 2014 оны гуравдугаар  сард  иргэдийн 96 хувь нь нэгдэхийг дэмжсэн санал асуулга явуулсны дараа ОХУ-д нэгдсэн билээ. Харин ОХУ-ын Засгийн газар удаа дараалан Крымийн иргэд олон улсын хууль эрхзүйд нийцсэн ардчилсан зарчмаар болон НҮБ-ын дүрэм журмыг хүндэтгэн үзэж, хүлээн зөвшөөрснөөр тус бүс нутгийг ОХУ-тай нэгтгэх  санал хураалтыг явуулсан гэж мэдэгджээ. Мөн Ерөнхийлөгч Владимир Путин 2016 оны есдүгээр сард Крымтэй холбоотой асуудлыг хаасан гэдгээ мэдэгдсэн юм. Эх сурвалж: “Зууны мэдээ” сонин