Т.САЙХАН Хотын захиргааг  СХД рүү нүүлгэх шийдвэрийг Хотын дарга асан Э.Бат-Үүлийн баг ажлаа авсныхаа  дараахан гаргаж байв.  Тэд дөрвөн жил ажиллахдаа хотын захиргааг нүүлгэх ажлыг эхлүүлсэн, зураг төслөө ч боловсруулсан.   Харин 2016 онд МАН нийслэлд ялалт байгуулж, С.Батболд “хотын захиргаа”-г  удирдаж байна.  МАН-ын баг улс төрийн ургалч байдлыг авч хэлэлцсэнгүй,   хотын  захиргааг  Яармаг руу нүүлгэхээр шийдвэрлэснээр  Э.Бат-Үүлийн багийн “ мөрөөдөл” үлгэр болж байх шиг байна.  Үлгэр уг нь ингэж эхэлсэн байдаг.  2013 оны зургадугаар сарын 19-ны өдөр Сонгинохайрхан дүүргийн VI хорооны нутагт есөн га газарт хотын захиргааны шинэ цогцолборыг барихаар болж, шав тавих ёслолыг хийсэн. Шав тавих ёслолын ажиллагаанд Ерөнхийлөгч Ц.Элбэгдорж, УИХ-ын дэд дарга Р.Гончигдорж, НИТХ-ын дарга Д.Баттулга, Нийслэлийн Засаг дарга Э.Бат-Үүл нар оролцов. Хотын захиргааны шинэ цогцолборыг хоёр жилийн хугацаанд барих ба барилгын ажилд 37,1 тэрбум төгрөг төсөвлөж байна.  Мөн  Нийслэлийн Засаг дарга Э.Бат-Үүл “Шинэ Улаанбаатарын дүр төрхийг илэрхийлсэн томоохон бүтээн байгуулалтууд ар араасаа хөвөрсөөр байна. Бид ойрын дөрвөн жилийн дотор гэр хорооллыг тохилог амины орон сууц бүхий хороолол, хотхон болгон хөгжүүлэх зорилт тавин ажиллаж, эхний бүтээн байгуулалтын ажлууд эхлээд байна. Ирээдүйд олимпийн хот болох шинэ Улаанбаатарын төвийг бид нийслэлийн хамгийн их хүн амтай СХД-ийг сонгон барихаар төлөвлөлсөн нь санамсаргүй хэрэг биш юм. Баянхошууг бид 200 мянган хүн ам амьдрах хотын дэд төв болгон хөгжүүлж, дэд бүтэц болон нийгмийн үйлчилгээг цогцоор нь хөгжүүлэхээр зорьж байна”  гэж  ярьж байв.   Хотын захиргааны шинэ цогцолборыг хоёр жилийн хугацаанд барих ба барилгын ажилд 37,1 тэрбум төгрөг төсөвлөжээ. Хотын захиргааны шинэ цогцолборын төсөл хэрэгжүүлэгчээр, гэр хорооллын дахин төлөвлөлтийн журмын дагуу Солонгосын “Халла Гонсол” групп шалгарч 2013 оны наймдугаар сард батламжаа гардаж авсан. Үүнээс хойш шалтгаалах бэлтгэл ажлууд бүгд хийгдэж 50 ам.метр талбай бүхий барилгын зураг төслийн ажил, экспертиз хийгдэж дүн нь гарчээ.  Газрын асуудал шийдэгдэж, техникийн нөхцөл ч бэлэн болсон. Одоо бүтээн байгуулалт эхлэхэд бэлэн. Гэтэл манай улсын эдийн засгийн байдал, валютын ханшийн хэлбэлзлээс шалтгаалаад төсөл хэрэгжүүлэгч компани хөрөнгө оруулахаа дахиад зургаан сараар хойшлуулах асуудал тавьсан. Ингэж гацаанд орсон байдаг. Харин гацаанаас гарч чадахгүй байсаар дараагийн “засгийн” нүүр үзэж, үлгэр болон дуусч байна. Эх сурвалж:www.polit.mn