А.ЦЭРЭНДОРЖ Дэлхийн эх хэлний өдрийг тохиолдуулан  “Монгол хүүхэд”, “Чихинү чимэг болсон аялгуут сайхан Монгол хэл”  номын нээлтийн үйл ажиллагаа МУБИС дээр боллоо. Нээлтийн үеэр Монгол Улсын Ардын багш Ц.Өнөрбаян “Монгол хэлний дархлаа ба үнэлэмж, Монгол хэл-Монгол үндэстэний дархлаа мөн” сэдвээр илтгэл тавьж эхэллээ. Тэрээр илтгэлдээ “Ямар нэгэн хэл нь тухайн үндэстний оршин байх дархлаа нь болохоос биш, өмч нь биш юм” хэмээн онцолж байв. Үүний дараагаар нээлтэд хүрэлцэн ирсэн СГЗ, Ардын уран зохиолч Т.Галсан номын дээжээ алд хадагтай хамт Ц.Өнөрбаян багшид барьлаа. Энэ үеэр Монголын орчин үеийн утга зохиолыг үндэслэгчдийн нэг Б.Ренчингийн хүү Академич Барсболд болон Чингис Хааны одонт яруу найрагч Г.Мэнд-Ооёо, МУБИС-н эрдэмтэн багш нар хүрэлцэн ирсэн юм. “Чихинү чимэг болсон аялгуу сайхан монгол хэл” ном нь  “Монгол хэл” шүлгийг зохиосны 60 жилийн ойг тохиолдуулан “МУБИС-Монгол судлал”-ын төвөөс эмхэтгэн хэвлүүлсэн бүтээл юм. Монголын түүх уран зохиолын дурсгал бичигт туссан “Монгол хүүхэд”-ийн талаар бичсэн зүйлийн нэг номонд эмхэтгэж эрдэмтэн судлаачид болон нийт ард түмэнд зориулж гаргаж байгаагаараа бид баяртай байна. Монгол хэлнийхээ арвин баялаг сан хөмрөг,үнэ цэнийг олон нийтэд түгээн дэлгэрүүлэх имй зорилгоор ийм ажил хийсэн гэдгээ илэрхийлж байлаа. Эх сурвалж:www.polit.mn