М.БААСАНДЭЛГЭР "Монгол Улсын хүн амын хоол тэжээлийн байдал" үндэсний тавдугаар судалгааны дүнг өчигдөр танилцууллаа. Судалгаанд Монгол Улсын эдийн засгийн дөрвөн бүсийн 21 аймаг, нийслэлийн найман дүүргээс санамсаргүй түүврийн аргаар сонгогдсон 94 сум, 30 хороо хамрагджээ. Судалгаагаар манай улсын тав хүртэлх насны хүүхдүүдийн 26.6 хувь, эхчүүдийн 16.1 хувь, жирэмсэн эмэгтэйчүүдийн 21.4 хувь нь цус багадалттай. Нялх хүүхдийн эхийн сүүгээр дагнан хооллолт хангалтгүй. Таван өрх тутмын нэгд нь хүнсний баталгаат байдал алдагдсан. Нийт хүн амын хоногт хэрэглэдэг хүнсний бүтээгдэхүүний нэр төрөл цөөн. Насанд хүрэгчдийн тэн хагас, сургуулийн насны хүүхдийн гурван хүүхэд тутмын нэг нь илүүдэл жинтэй байна гэсэн үр дүн гарчээ. Мөн манай улсад хоол тэжээлээс хамааралт эмгэгийн дарамт өндөр байгааг тогтоожээ. Түүнчлэн хүн амын аминдэм, эрдсийн дутагдал тархалт өндөр, Тав хүртэлх насны хүүхэдтэй өрхийн 64.9 хувь нь хүнсний баталгаат байдал нь ямар нэг хэмжээгээр алдагдсан байна. Эх сурвалж: www.polit.mn