Х.ОЮУНБОЛД Бангладешийн Ерөнхий сайд асан, сөрөг намын тэргүүн Каледа Зиаг авлига авсан хэмээн буруутгаж таван жил хорих ял оноосон.  Түүнийг давж заалдах өргөдлөө өгсөн хэмээн өмгөөлөгчдийнх нь нэг мэдээлсэн байна. “The Daily Star” сонинд нийтэлснээр тус улсын дээд шүүх өнөөдөр давж заалдсан өргөдлийг нь зөвшөөрөх эсэхийг шийдэх ажээ. Каледа Зиа болон түүний зөвлөхүүд, хүүг  нь гадаадын орнуудаас өнчин хүүхдүүдийн санд хандивласан 206 сая еврог энэ сарын 8-нд хулгайлсан хэргээр ялласан юм. Тэрээр энэ хандивыг 2001-2006 онд Ерөнхий сайд байхдаа хүлээж авсан байна. Түүний хүү Тарик Рахман болон өөр дөрвөн хүнд 10 жил хорих ял оноожээ. Каледа Зиа болон түүний нам Бангладешийн  үндэсний нам экс ерөнхий сайдтай заргалдаж байгаа нь  түүнийг болон гэр бүлийнхнийг нь  улс төрөөс зайлуулах компанит ажлын нэг хэсэг  гэж буруутгасан байна. Тус намын удирдагчид сүүлийн хоёр жил энэ намын 3500 гаруй дэмжигч шоронд хоригдсон гэв.  Бангладешийн  одоогийн Ерөнхий сайд Шейх Хасина болон Каледа Зиа нар олон жилийн турш дайсагнасан харилцаатай байсаар ирсэн. Тэдний гэр бүлийнхэн  улс төрд 20 гаруй жилийн турш ноёрхсоор ирсэн юм. Эх сурвалж: “Зууны мэдээ” сонин