Т.САЙХАН Украины Донбасс мужид энхийг сахиулагчдыг оруулах асуудал дэлхий нийтэд яригдаж байна. Умард Атлантын цэргийн эвслийн тэргүүн асан Андреас Фог Расмуссен НҮБ-ын Энхийг сахиулагчдыг Донбасст оруулах нь боломжит хувилбар гэжээ.  Мөн энэ асуудлаар хоёр хувилбар байгаа юм байна. Эхнийх нь төвийг сахисан улс орны энхийг сахиулагчдыг оруулах. Энэ нь Швед улс байх боломжтой. Шведүүд өөрсдөө ч энхийг сахиулагчдаа илгээхэд бэлэн гэдгээ мэдэгдсэн. Дараагийнх нь ОХУ-ын талыг баримтлагч орнуудаас тэнцүүхэн бүрэлдэхүүн илгээх хувилбар аж. ОХУ-тай ойрхон орнууд гэдэгт Беларусь, Монголыг хамааруулжээ.   Мөн энэ үеэр Герман, Беларусь улс энхийг сахиулагчдаа илгээхэд бэлэн гэдгээ мэдэгдсэн. Гэвч ОХУ-ын төлөөлөгчид Германы цэргийг, тэр бүү хэл цагдааг ч энхийг сахиулах ажиллагаанд оролцуулахыг эрс эсэргүүцэхээ мэдэгдсэн. Ерөнхийдөө энэ асуудлыг 6-10 сарын дотор шийдэх юм. ОХУ-ын талыг баримтлагч орнуудаас тэнцүүхэн бүрэлдэхүүн илгээх хувилбарыг төлөөлөгчид дэмжвэл монголын  энхийг сахиулагчдын  дараагийн цэг нь Донбасс байж магадгүй юм. Эх сурвалж:www.polit.mn