Х. Оюунболд БНХАУ-ын Ерөнхийлөгч Си Жинпин Сычуань хотод очих үеэрээ ядуурлын  үндэс болсон ад зэтгэрийг арилгаж хөөн явуулна гэж амлажээ. Тэрээр хэлэхдээ “Ад зэтгэр бол урьд өмнө нь оршиж байсан зүйл.  Тэд хоцрогдол, эрдэм боловсролгүй байдал болон ядуурлаас үүдэн бий болсон ад зэтгэрүүд. Харамсалтай нь тэд одоо ч байсаар байна. Гэхдээ тэднийг арилган хөөж явуулна” гэж амласан талаар “Синьхуа” агентлаг мэдээлжээ.  Ерөнхийлөгч Си Жинпин энэ үеэр тус хотод амьдардаг  үндэстэн ястны төлөөлөгчидтэй уулзсан юм. Тэрээр төлөөлөгчдөд тулгараад байгаа гол асуудал бэрхшээлийн талаар ярьсан байна.  Түүнчлэн БНХАУ-д орчин үеийн хөгжингүй нийгэм байгуулах ажилд  ямар ч үндэстэн ястан, гэр бүл болон хувь хүн оролцож, хувь нэмрээ оруулахгүйгээр үлдэж болохгүй гэв. Харин энэ ажилд Засгийн газрын бүх төвшний удирдлагууд бүх хүчээ дайчлан ажиллахыг уриалсан байна. “Бид боловсрол мэдлэгтэй,соёлтой, эрүүл байвал энэ бүх бэрхшээлийг даван туулж чадна. Ийм тохиолдолд ад зэтгэр оршсоор байж чадах уу” гэж тус улсын үндэстний цөөнх болсон лису үндэстний төлөөлөгчдөд хэлсэн байна. Түүний энэ айлчлал нь БНХАУ-ын Ерөнхийлөгчид Цагаан сар болж байгаатай холбогдуулан орон нутгаар явдаг тогтсон уламжлалтай холбоотой ажээ. Эх сурвалж: “Зууны мэдээ” сонин