Ц.БАЯР Нээлттэй нийгэм форум, Олборлох байдлын ил тод санаачлага төслийн хүрээнд  Монголын иргэний нийгмийн байгууллагын төлөөлөгчдөд  зориулсан ашиг хүртэгч эздийг хэрхэн ил болгох сорилтуудын талаар сургалт хэлэлцүүлэг өнөөдөр /02.05/ Туушин зочид буудалд эхэллээ.  ОБИТС төсөл 2017 оноос эхэлсэн аж. Ашиг хүртэгч эцсийн эздийг ил  болгох эхний зургаар, ашиг хүртэгч эзэд гэж хэнийг хэлэх вэ, өмчлөгч гэж хэн байх юм, ашиг хүртэгчдийг хэрхэн ил болгох гэдэг нэр томьёог тодорхой болгохоос эхлэх ажлын төлөвлөгөөг төслийн багийнхан танилцуулав. Энэ хүрээнд хууль тогтоомжуудын орчин бий болгоход нөлөөлөх, оффшор бүсэд бүртгэлтэй компани, данстай өмчлөгчидтэй холбоотой мэдээллийн нэгдсэн бүртгэлтэй болох, компаниуд мэдээллээ ил болгох бодит алхам хийхэд нөлөөлөх чиглэлд ажиллах аж. Ингэхдээ  иргэний нийгмийнхэн болон  олон улсын эрэн сурвалжлах сэтгүүлчдийн байгууллагатай  хамтарч ажиллах замаар ил болгох тухай төслийнхөн ярьж байна. Маргааш үргэлжлэх энэхүү сонирхолтой сургалтад 40 гаруй иргэний нийгмийн байгууллагын төлөөлөл, сэтгүүлчид оролцож байна. Эх сурвалж:www.polit.mn